Foto: Túrkistan oblysynyń Óńirlik kommýnikatsiialar qyzmeti
2024 jyldyń 6 aiynda oblys boiynsha 4 kásiporynda 358 qyzmetker aldynda 102,2 mln teńge jalaqy qaryzynyń oryn alǵany anyqtaldy. Jumys berýshilerge nusqamalar berý arqyly 84,8 mln teńgesi óndirilip, 280 qyzmetkerdiń eńbek quqyqtary qorǵaldy, dep habarlaidy «Ult aqparat».
Bul týraly brifginte Túrkistan oblysynyń baqylaý jóninde basqarma basshysynyń orynbasary Berik Ibadýllaev málimdedi.
«2024 jyldyń 6 aiynda azamattardan kelip túsken 683 aryz-shaǵym qaralyp, olardyń barlyǵyna zańmen belgilengen merzimde jaýap berildi. Aryzdardyń negizinde mekemeler men kásiporyndarǵa 134 tekserý júrgizilip, nátijesinde 242 zań buzýshylyq anyqtaldy. Anyqtalǵan eńbek zańnamasynyń buzylýy boiynsha 23,6 mln teńge kóleminde 776 hattama toltyrylyp aiyppul salyndy. Odan bólek, sońǵy alty aida jumys barysynda jaraqat alý boiynsha 23 jaǵdai oryn alyp, 7 adam qaza tapqan. Jazataiym oqiǵalardyń oryn alýǵa bailanysty 22 is-qujat jergilikti quqyq-qorǵaý organdaryna joldandy. Sonymen qatar, 2024 jyly oblys aýmaǵynda eshqandai da eńbek daýy oryn almady. Alaida áleýmettik shielenis týyndaýy múmkin bolǵan 157 kásiporyn anyqtalyp, olarmen belgilengen jospar negizinde jumystar júrgizilýde. Qazirgi tańda atalǵan kásiporyndarǵa turaqty túrde oblystyq eńbek inspektorlary monitoring jumystaryn júrgizýde» - dedi spiker.
