تٷركٸستان وبلىسىندا 280 جۇمىسشىنىڭ جالاقى قارىزى ٶندٸرٸلگەن

فوتو: تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸ

2024 جىلدىڭ 6 ايىندا وبلىس بويىنشا 4 كەسٸپورىندا 358 قىزمەتكەر الدىندا 102,2 ملن تەڭگە جالاقى قارىزىنىڭ ورىن العانى انىقتالدى. جۇمىس بەرۋشٸلەرگە نۇسقامالار بەرۋ ارقىلى 84,8 ملن تەڭگەسٸ ٶندٸرٸلٸپ, 280 قىزمەتكەردٸڭ ەڭبەك قۇقىقتارى قورعالدى, دەپ حابارلايدى «ۇلت اقپارات».

بۇل تۋرالى بريفگينتە تٷركٸستان وبلىسىنىڭ باقىلاۋ جٶنٸندە باسقارما باسشىسىنىڭ ورىنباسارى بەرٸك يبادۋللاەۆ مەلٸمدەدٸ.

«2024 جىلدىڭ 6 ايىندا ازاماتتاردان كەلٸپ تٷسكەن  683  ارىز-شاعىم قارالىپ, ولاردىڭ بارلىعىنا زاڭمەن بەلگٸلەنگەن مەرزٸمدە جاۋاپ بەرٸلدٸ. ارىزداردىڭ نەگٸزٸندە مەكەمەلەر مەن كەسٸپورىندارعا 134 تەكسەرۋ جٷرگٸزٸلٸپ, نەتيجەسٸندە 242 زاڭ بۇزۋشىلىق انىقتالدى. انىقتالعان ەڭبەك زاڭناماسىنىڭ بۇزىلۋى بويىنشا 23,6 ملن تەڭگە كٶلەمٸندە 776 حاتتاما تولتىرىلىپ ايىپپۇل سالىندى. ودان بٶلەك, سوڭعى التى ايدا جۇمىس بارىسىندا جاراقات الۋ بويىنشا 23 جاعداي ورىن الىپ, 7 ادام قازا تاپقان. جازاتايىم وقيعالاردىڭ ورىن الۋعا بايلانىستى 22 ٸس-قۇجات جەرگٸلٸكتٸ قۇقىق-قورعاۋ ورگاندارىنا جولداندى. سونىمەن قاتار, 2024 جىلى وبلىس اۋماعىندا ەشقانداي دا ەڭبەك داۋى ورىن المادى. الايدا ەلەۋمەتتٸك شيەلەنٸس تۋىنداۋى مٷمكٸن بولعان 157 كەسٸپورىن انىقتالىپ, ولارمەن بەلگٸلەنگەن جوسپار نەگٸزٸندە جۇمىستار جٷرگٸزٸلۋدە. قازٸرگٸ تاڭدا اتالعان كەسٸپورىندارعا تۇراقتى تٷردە وبلىستىق ەڭبەك ينسپەكتورلارى مونيتورينگ جۇمىستارىن جٷرگٸزۋدە» - دەدٸ سپيكەر.