Túrkistan oblysynda 2025 jylǵa deiin 10 densaýlyq saqtaý nysany salynady.
Oblystyq kópbeiindi aýrýhana, simýliatsiialyq ortalyq, ana men bala ortalyǵy, Jedel járdem stantsiiasy, stomatologiialyq emhana, perinataldyq ortalyq jáne basqa da birqatar densaýlyq saqtaý obektileri Túrkistan oblysynda 2025 jyldyń sońyna deiin óńirdiń áleýmettik-ekonomikalyq damýynyń keshendi jospary sheńberinde paida bolady.
Túrkistan oblysyn damytýdyń 2021-2025 jyldarǵa arnalǵan Keshendi josparynda 10 densaýlyq saqtaý nysanynyń qurylysy kózdelgen, onyń jeteýi Túrkistanda salynady, úsh nysan Arys jáne Saryaǵash qalalarynda paida bolady.
Máselen, Túrkistan oblysynda 2023 jyly 570 tósek-oryndyq oblystyq kópbeiindi aýrýhanany paidalanýǵa berý josparlanǵan. Jobany YDA memlekettik jekemenshik áriptestik sheńberinde júzege asyrady. Jobanyń quny – 180 mln teńgeden astam. Halyqaralyq deńgeidegi klinika oblys turǵyndary men qonaqtaryna joǵary tehnologiialyq qyzmetter kórsetetin bolady.
Oblystyq balalar aýrýhanasyn salýǵa respýblikalyq jáne jergilikti biýdjetterden 33 mln teńgeden artyq qarajat bólinetin bolady. Bul nysandy tapsyrý 2024 jylǵa josparlanǵan.
2014 jyly salynǵan oblystyq balalar aýrýhanasynyń ǵimaraty sanitarlyq-gigienalyq normativterge sáikes keledi, biraq onyń quramynda hirýrgiialyq beiindegi mamandandyrylǵan bólimsheler, konsýltatsiialyq-diagnostikalyq emhana, diagnostikalyq bólimshe joq, bul jańa joba sheńberinde iske asyrylady. Túrkistan oblysyndaǵy balalar aýrýhanasynyń jańa ǵimaraty 190 orynǵa esepteledi.
Al aimaq dárigerleri úshin 2024 jyldan bastap Simýliatsiialyq ortalyq jumys isteitin bolady. Atalǵan ortalyqta dárigerler biliktiligin arttyrýdan ótip, naqty klinikalyq jaǵdailarda praktikalyq daǵdylaryn pysyqtaidy. Joǵary meditsinalyq tehnologiialardy oqytýdy ártúrli modelderde, trenajerlarda jáne virtýaldy trenajerlarda júrgizý josparlanǵan. Bul meditsina qyzmetkerleriniń kásibi qyzmetiniń ózge de aspektilerin senimdi modeldeýge múmkindik beredi.
Sondai-aq, jeke investitsiialar esebinen bilikti ambýlatoriialyq kómek kórsetý úshin aýysymyna 300 kelýshige arnalǵan stomatologiialyq emhana salý josparlanǵan.
