Túrkistan oblysynda «STOP-oiyn» jedel-aldyn alý sharasy aiasynda Saryǵash, Túrkistan, Kentaý jáne Jetisai qalalarynda 16 zańsyz oiyn orny anyqtaldy, dep habarlaidy "Ult aqparat".
Atalmysh sharany QR Qarjy ministrligi Qarjy monitoringi komitetiniń Túrkistan oblysy boiynsha Ekonomikalyq tergeý departamenti uiymdastyrdy.
Atalǵan faktiler boiynsha sotqa deiingi tergeý amaldary júrgizilýde. Zańsyz oiyn oryndarynan 39 teledidar, 71 protsessor, 69 monitor, chek shyǵaratyn 25 printer jáne 12 skaner, 1,2 mln. teńgeden astam aqsha tárkilenip alyndy.
«Osy negizde zańsyz oiyn oryndarynyń jolyn kesý, anyqtaý jumystary turaqty túrde júrgizilip otyrady. Zańsyz oiyn oryndarynyń qyzmetin anyqtaǵan jaǵdaida, Komitettiń – 8 (7172) 70-84-78, Túrkistan oblysy boiynsha ETD 8 (72533) 3-29-87 senim telefondary arqyly habarlaýyńyzdy suraimyz», - delingen QR QM Qarjy monitoringi komitetiniń baspasóz qyzmeti taratqan aqparatta.
