Jyl basynan beri mobildi toptar men politsiia basqarmalary tyiym salynǵan 821 otbasylyq, merekelik is-sharanyń ústinen túsken, dep habarlaidy QazAqparat.
Onyń jartysynan kóbi qoǵamdyq tamaqtaný oryndarynda ótkizilgen. Túrkistan oblysynyń sanitariialyq-epidemiologiialyq baqylaý departamentiniń málimetinshe, búgingi kúnge deiin oblys boiynsha SEB basqarmalaryna 69 shuǵyl habarlama túsken.
Túrkistan oblysy mamandandyrylǵan aýdanaralyq ekonomikalyq sotyna karantin rejimin buzǵan 56 nysannyń jumysyn toqtatý boiynsha talap aryzdar ótkizildi.
Sottyń sheshimimen 35 qoǵamdyq oryndardyń qyzmeti ýaqytsha toqtatylǵan. Qalǵan 21 talap aryz boiynsha materialdar sotta qaralyp jatyr.
Sońǵy bir apta aralyǵynda MT jáne PB basqarmalary qyzmetkerleri tarapynan 178 baianat tirkelip, 70 aiyppul (barlyǵy jeke tulǵalarǵa) salyndy.
Maqtaaral, Saryaǵash, Túlkibas aýdandarynda ornalasqan jeke kásipkerlik nysandarynda ótkizilgen 5 merekelik is-shara boiynsha baianattar rásimdelgen.
Arys, Qazyǵurt, Otyrar, Keles aýdandarynda birde bir baianat joldanbaǵan.
Túrkistan oblysynda karantin rejimi talaptarynyń oryndalýyn baqylaý boiynsha mobildi toptarmen monitoring jumystary jalǵasýda.
Jasaqtalǵan 131 mobildi top jyl basynan beri 200 myńnan astam nysandy aralap, aýmaqtyq politsiia basqarmasy qyzmetkerleri tarapynan túsken baianattary negizinde nysandar men jeke tulǵalarǵa QR Ákimshilik quqyq buzý kodeksiniń 425-babynyń 1-bóligi boiynsha 4 myńnan astam hattama toltyryldy.
240 mln teńgege jýyq aiyppul salyndy.
