جىل باسىنان بەرٸ موبيلدٸ توپتار مەن پوليتسييا باسقارمالارى تىيىم سالىنعان 821 وتباسىلىق, مەرەكەلٸك ٸس-شارانىڭ ٷستٸنەن تٷسكەن, دەپ حابارلايدى قازاقپارات.
ونىڭ جارتىسىنان كٶبٸ قوعامدىق تاماقتانۋ ورىندارىندا ٶتكٸزٸلگەن. تٷركٸستان وبلىسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸنٸڭ مەلٸمەتٸنشە, بٷگٸنگٸ كٷنگە دەيٸن وبلىس بويىنشا سەب باسقارمالارىنا 69 شۇعىل حابارلاما تٷسكەن.
تٷركٸستان وبلىسى مامانداندىرىلعان اۋدانارالىق ەكونوميكالىق سوتىنا كارانتين رەجيمٸن بۇزعان 56 نىساننىڭ جۇمىسىن توقتاتۋ بويىنشا تالاپ ارىزدار ٶتكٸزٸلدٸ.
سوتتىڭ شەشٸمٸمەن 35 قوعامدىق ورىنداردىڭ قىزمەتٸ ۋاقىتشا توقتاتىلعان. قالعان 21 تالاپ ارىز بويىنشا ماتەريالدار سوتتا قارالىپ جاتىر.
سوڭعى بٸر اپتا ارالىعىندا مت جەنە پب باسقارمالارى قىزمەتكەرلەرٸ تاراپىنان 178 بايانات تٸركەلٸپ, 70 ايىپپۇل (بارلىعى جەكە تۇلعالارعا) سالىندى.
ماقتاارال, سارىاعاش, تٷلكٸباس اۋداندارىندا ورنالاسقان جەكە كەسٸپكەرلٸك نىساندارىندا ٶتكٸزٸلگەن 5 مەرەكەلٸك ٸس-شارا بويىنشا باياناتتار رەسٸمدەلگەن.
ارىس, قازىعۇرت, وتىرار, كەلەس اۋداندارىندا بٸردە بٸر بايانات جولدانباعان.
تٷركٸستان وبلىسىندا كارانتين رەجيمٸ تالاپتارىنىڭ ورىندالۋىن باقىلاۋ بويىنشا موبيلدٸ توپتارمەن مونيتورينگ جۇمىستارى جالعاسۋدا.
جاساقتالعان 131 موبيلدٸ توپ جىل باسىنان بەرٸ 200 مىڭنان استام نىساندى ارالاپ, اۋماقتىق پوليتسييا باسقارماسى قىزمەتكەرلەرٸ تاراپىنان تٷسكەن باياناتتارى نەگٸزٸندە نىساندار مەن جەكە تۇلعالارعا قر ەكٸمشٸلٸك قۇقىق بۇزۋ كودەكسٸنٸڭ 425-بابىنىڭ 1-بٶلٸگٸ بويىنشا 4 مىڭنان استام حاتتاما تولتىرىلدى.
240 ملن تەڭگەگە جۋىق ايىپپۇل سالىندى.
