Túrkistan oblysynan aǵymdaǵy jyly «Eńbek» baǵdarlamasy boiynsha 1 myńnan asa múshesi bar 335 otbasy soltústik óńirlerge qonys aýdarǵan. Túrkistandyqtar Qostanai, Shyǵys Qazaqstan, Soltústik Qazaqstan oblystary jáne Pavlodar oblysyna qonystandy, dep habarlaidy "Ult aqparat".
Jalpy soltústik oblystardyń qataryn tolyqtyrǵan túrkistandyqtardyń sany 5 364 adamdy qurap otyr. Olar 1 494 otbasynyń múshesi bolyp tabylady. Bul óńirdegi úgit-nasihat jáne túsindirý jumystarynyń nátijesinde júzege asqan.
Oblys ákimdiginiń uiymdastyrýymen osy baǵdarlamany nasihattaý boiynsha óńirdiń BAQ ókilderi SQO, Qostanai jáne Aqmola oblystarynda bolyp qaitty. Sonymen birge «Nur Otan» partiiasynyń Túrkistan oblystyq filialy aýdan, qalalarda turǵyndarmen kezdesip, teriskeige qonys aýdarýdyń sharttary men tiimdi tustaryn keńinen nasihattady.
Osy jáne ózge de mańyzdy kórsetkishter QR Eńbek jáne halyqty áleýmettik qorǵaý ministri Birjan Nurymbetovtyń Túrkistan oblysyna sapary barysynda aityldy. Ministr oblystaǵy halyqty áleýmettik qorǵaý salasyndaǵy memlekettik saiasatty júzege asyrý barysyndaǵy 2020 jyly atqarylǵan jumystarǵa oń baǵasyn berdi.
Aita keteiik, aǵymdaǵy jyly aimaqta jumys berýshilerge sheteldik jumys kúshin jumysqa tartýǵa 770 kvota bólinip, 16 kásiporynda 71 shetel azamatyna ruqsat berilgen bolatyn.
