Túrkistan oblysyna shetelden kelgen 51 azamattan virýs anyqtalmady.
Bul týraly Túrkistan oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Nurbek Nyshanov málim etti, dep habarlaidy QazAqparat.
Nurbek Nyshanovtyń aitýynsha, óńirde ázirge koronavirýstyq infektsiia juqtyrǵandar (COVID-19) tirkelgen joq. Degenmen irgeles Shymkent qalasy jáne Jambyl oblysynda indet tirkelip, epidemiologiialyq jaǵdai kúrdelenip otyr. Koronavirýstyq infektsiia tirkelgen basqa elderden kelgen 51 azamat kategoriialar boiynsha meditsinalyq baqylaýǵa alynǵan.
«Onyń ishinde 1A kategoriiasymen 18 adam, (Frantsiiadan - 1, Italiia - 2, Ispaniia - 1, Indiia - 10, BAÁ - 1, Germaniia - 3), 1B kategoriiasymen 33 adam baqylaýǵa alynǵan. (O. Koreia-24, Niderlandy - 2, Litva - 1, AQSh - 1, Angliia - 1, Ýkraina - 1, Polsha - 1, Chehiia - 1). Budan bólek, ózekti reister boiynsha naýqastarmen qarym-qatynasta bolǵan 8 azamat anyqtalyp, COVID-19-ǵa tekserilgen. Bir qýanarlyǵy - zertteý nátijeleri teris bolyp shyqqan», - dedi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy.
Nurbek Nyshanov sonymen qatar Almaty men Nur-Sultan qalalarynan «JRVI» klinikalyq belgilerimen kelgen 16 azamat statsionarlarǵa jatqyzylǵanyn atap ótti. Olar laboratoriialyq tekserýden ótkizilgen. Búginge deiin statsionarlardan shyǵarylǵan azamattar sany 38-ge jetti.
«Oblystyq zerthana kerekti diagnostikalaý test-sistemalarmen jáne arnaiy tasymaldaý quraldarymen qamtamasyz etilgen. Búgingi kúni oblysymyzda test-sistemanyń 12 danasy bar. (Ár dana 40-45 synama zertteýge arnalǵan). Túrkistanǵa Shymkent qalasynan «KAMAZ» shassiindegi jyljymaly zerthana ákelip ornatylǵan»,- dedi departament basshysy.
