Túrkistan oblysynda millionnan astam turǵyn COVID-19-ǵa qarsy ekpeni aldy. Bul týraly óńir ákimi Ómirzaq Shókeev aityp berdi, dep habarlaidy QazAqparat.
«Oblysymyz koronavirýstyń taralý qarqyny boiynsha jyl boiy «jasyl aimaqta» bolǵan eldegi jalǵyz oblys. Bul rette birlesken ujymdyq jumys pen dárigerlerdiń eńbegi orasan zor boldy dep Dúniejúzilik densaýlyq saqtaý uiymynyń ókilderi atap ótti», - dedi Shókeev Ortalyq kommýnikatsiialar qyzmetinde ótken baspasóz máslihatynda.
Ákimniń aitýynsha, óńirde epidemiologiialyq jaǵdai turaqty, juqpaly aýrýhanalarda dúrlikpe joq, tósek-oryndardyń kópshiligi bos.
«Virýspen odan ári kúresý úshin óńirde birneshe joba júzege asyrylýda. Sonyń biri – jańa kópsalalyq aýrýhana salynýda. Sonymen qatar, jańa infektsiialyq aýrýhana paidalanýǵa berildi. Aimaqta jappai vaktsinalaý naýqany aiaqtalýǵa jaqyn. Búginde millionnan astam turǵyn COVID-19-ǵa qarsy ekpeni aldy», - dedi Shókeev.
