تٷركٸستان وبلىسىندا ميلليوننان استام تۇرعىن COVID-19-عا قارسى ەكپەنٸ الدى. بۇل تۋرالى ٶڭٸر ەكٸمٸ ٶمٸرزاق شٶكەەۆ ايتىپ بەردٸ, دەپ حابارلايدى قازاقپارات.
«وبلىسىمىز كوروناۆيرۋستىڭ تارالۋ قارقىنى بويىنشا جىل بويى «جاسىل ايماقتا» بولعان ەلدەگٸ جالعىز وبلىس. بۇل رەتتە بٸرلەسكەن ۇجىمدىق جۇمىس پەن دەرٸگەرلەردٸڭ ەڭبەگٸ وراسان زور بولدى دەپ دٷنيەجٷزٸلٸك دەنساۋلىق ساقتاۋ ۇيىمىنىڭ ٶكٸلدەرٸ اتاپ ٶتتٸ», - دەدٸ شٶكەەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ەكٸمنٸڭ ايتۋىنشا, ٶڭٸردە ەپيدەميولوگييالىق جاعداي تۇراقتى, جۇقپالى اۋرۋحانالاردا دٷرلٸكپە جوق, تٶسەك-ورىنداردىڭ كٶپشٸلٸگٸ بوس.
«ۆيرۋسپەن ودان ەرٸ كٷرەسۋ ٷشٸن ٶڭٸردە بٸرنەشە جوبا جٷزەگە اسىرىلۋدا. سونىڭ بٸرٸ – جاڭا كٶپسالالىق اۋرۋحانا سالىنۋدا. سونىمەن قاتار, جاڭا ينفەكتسييالىق اۋرۋحانا پايدالانۋعا بەرٸلدٸ. ايماقتا جاپپاي ۆاكتسينالاۋ ناۋقانى اياقتالۋعا جاقىن. بٷگٸندە ميلليوننان استام تۇرعىن COVID-19-عا قارسى ەكپەنٸ الدى», - دەدٸ شٶكەەۆ.
