Túrkistan oblysy Ordabasy aýdanynyń ákimi sybailas jemqorlyqqa qatysy bar degen kúdikpen ustaldy, dep habarlaidy QazAqparat.
«Mundai fakti bar, iaǵni kúdik boiynsha atalǵan sheneýnikti ustadyq. Osy jaǵdaiǵa bailanysty basqa málimetterdi jariialai almaimyz. Sotqa deiingi tergeýge qatysty barlyq aqparatty tek prokýrordyń ruqsatymen málimdeimiz. Osy oraida tergeý múddesine sáikes, jariialaýǵa quqyǵymyz joq», - dedi QR Memlekettik qyzmet isteri jáne sybailas jemqorlyqqa qarsy is-qimyl agenttigi Ulttyq biýrosy tergeý departamenti basshysynyń orynbasary Ashat Jumaǵali.
Sonymen qatar ol atalǵan faktige qatysty jaqynda arnaiy brifing ótetinin jetkizdi.
Aita keteiik, Rashid Úsiphanuly Qaiypjanov Ordabasy aýdany ákimi qyzmetine ótken jyldyń tamyz aiynda kirisken edi.
Oǵan deiin, iaǵni 2011 jyldyń qańtar aiynan bastap Ońtústik Qazaqstan oblysy Saryaǵash aýdany ákiminiń orynbasary laýazymynda bolǵan.
