Elimizde turǵyndardy emhanaǵa tirkeý naýqanyqany aiaqtaldy. Onyń nátijesi qandai bolǵany, tirkelýge úlgere almai qalǵandardyń ne isteýi kerektigi týraly «Otyrar» baspasóz ortalyǵynda brifing ótkizgen tiisti mamandar jan-jaqty aityp berdi.
Naýqan nátijesi qandai boldy, aldymen soǵan toqtalaiyq. Bul naýqan boiynsha da Túrkistan oblysy kósh basynan kórindi. Buǵan deiin habarlaǵanymyzdai, aǵymdaǵy jyldyń 15 qyrkúiegi men 15 qarasha aralyǵynda ótken naýqan barysynda elimiz boiynsha 300 myńǵa jýyq adam meditsina uiymyn erkin tańdaý quqyǵyn paidalanǵan bolsa, sonyń basym bóligi – bizdiń Túrkistan oblysy men Shymkent qalasynyń turǵyndary. Atap aitsaq, 114 000 turǵyn múmkindikti der kezinde paidalanyp, ózderiniń qalaǵan emdeý mekemesine tirkelip úlgergen. Medsaqtandyrý máselesi boiynsha Astana, Almaty, Qaraǵandy qalalarynyń turǵyndary da belsendilik tanytqan. Taǵy bir aita ketetin jáit, turǵyndardyń biraz bóligi emhanaǵa ózderi baryp tirkelse, taǵy birazy egov.kz portaly arqyly onlain qyzmetti tańdaǵan.
Al, tirkelýge úlgere almai qalǵandar ne isteýi kerek? Kópshilik osyny bilgisi keledi? Kóptiń kókeiindegi saýalǵa «Áleýmettik meditsinalyq saqtandyrý qory» kommertsiialyq emes aktsionerlik qoǵamy Túrkistan oblysy boiynsha filialynyń direktory Ashat Beisenbaev bylai jaýap berdi: «Buǵan alańdaýdyń eshqandai negizi joq. Eger tirkele almai qalsańyz, áli de múmkindik bar. Ol úshin halyqqa qyzmet kórsetý ortalyǵynyń qyzmetine júginýińizge bolady. Atalǵan ortalyqtarda Connection Point bar, olar egov portalyna qosylǵan. Sol jerde arnaiy keńesshiler otyrady. Ekinshiden, Egov.kz jýyrda Telegram-dy iske qosty. Smartfonnyń kómegimen osy bot arqyly birer minýtta tirkelýge bolady. Úshinshiden, qazir ózińizdi ǵana emes, balalardy da onlain rejimde tirkeýge múmkindik týdy. Júie barlyq málimetterdi qysqa merzim ishinde avtomatty túrde shyǵaryp beredi. Bul protsesti barynsha jeńildetedi ári artyq qujat talap etpeidi» dedi A.Beisenbaev.
Jalpy, elimizdiń kez kelgen azamatynyń jylyna bir ret emhana aýystyrýǵa quqyǵy bar. Demek, tirkelýge de sondai múmkindik qarastyrylǵan. Sonymen qatar, qonys aýdarǵanda, emhana jabylyp qalǵan jaǵdaida, jaqyn mańnan jańa emhana salynsa, emhana qyzmetine qatysty shyǵyndardy jabatyn erikti meditsinalyq saqtandyrý kelisimshartyn bekitken jaǵdaida basqa emhanaǵa aýysýǵa bolady. Tirkeýmen ainalysatyn emhanalardyń tolyq tizimin meditsinalyq saqtandyrý qorynyń tms.kz saitynan tabýǵa bolady.
Aman JAIYMBETOV
