ەلٸمٸزدە تۇرعىنداردى ەمحاناعا تٸركەۋ ناۋقانىقانى اياقتالدى. ونىڭ نەتيجەسٸ قانداي بولعانى, تٸركەلۋگە ٷلگەرە الماي قالعانداردىڭ نە ٸستەۋٸ كەرەكتٸگٸ تۋرالى «وتىرار» باسپاسٶز ورتالىعىندا بريفينگ ٶتكٸزگەن تيٸستٸ ماماندار جان-جاقتى ايتىپ بەردٸ.
ناۋقان نەتيجەسٸ قانداي بولدى, الدىمەن سوعان توقتالايىق. بۇل ناۋقان بويىنشا دا تٷركٸستان وبلىسى كٶش باسىنان كٶرٸندٸ. بۇعان دەيٸن حابارلاعانىمىزداي, اعىمداعى جىلدىڭ 15 قىركٷيەگٸ مەن 15 قاراشا ارالىعىندا ٶتكەن ناۋقان بارىسىندا ەلٸمٸز بويىنشا 300 مىڭعا جۋىق ادام مەديتسينا ۇيىمىن ەركٸن تاڭداۋ قۇقىعىن پايدالانعان بولسا, سونىڭ باسىم بٶلٸگٸ – بٸزدٸڭ تٷركٸستان وبلىسى مەن شىمكەنت قالاسىنىڭ تۇرعىندارى. اتاپ ايتساق, 114 000 تۇرعىن مٷمكٸندٸكتٸ دەر كەزٸندە پايدالانىپ, ٶزدەرٸنٸڭ قالاعان ەمدەۋ مەكەمەسٸنە تٸركەلٸپ ٷلگەرگەن. مەدساقتاندىرۋ مەسەلەسٸ بويىنشا استانا, الماتى, قاراعاندى قالالارىنىڭ تۇرعىندارى دا بەلسەندٸلٸك تانىتقان. تاعى بٸر ايتا كەتەتٸن جەيت, تۇرعىنداردىڭ بٸراز بٶلٸگٸ ەمحاناعا ٶزدەرٸ بارىپ تٸركەلسە, تاعى بٸرازى egov.kz پورتالى ارقىلى ونلاين قىزمەتتٸ تاڭداعان.
ال, تٸركەلۋگە ٷلگەرە الماي قالعاندار نە ٸستەۋٸ كەرەك? كٶپشٸلٸك وسىنى بٸلگٸسٸ كەلەدٸ? كٶپتٸڭ كٶكەيٸندەگٸ ساۋالعا «ەلەۋمەتتٸك مەديتسينالىق ساقتاندىرۋ قورى» كوممەرتسييالىق ەمەس اكتسيونەرلٸك قوعامى تٷركٸستان وبلىسى بويىنشا فيليالىنىڭ ديرەكتورى اسحات بەيسەنباەۆ بىلاي جاۋاپ بەردٸ: «بۇعان الاڭداۋدىڭ ەشقانداي نەگٸزٸ جوق. ەگەر تٸركەلە الماي قالساڭىز, ەلٸ دە مٷمكٸندٸك بار. ول ٷشٸن حالىققا قىزمەت كٶرسەتۋ ورتالىعىنىڭ قىزمەتٸنە جٷگٸنۋٸڭٸزگە بولادى. اتالعان ورتالىقتاردا Connection Point بار, ولار egov پورتالىنا قوسىلعان. سول جەردە ارنايى كەڭەسشٸلەر وتىرادى. ەكٸنشٸدەن, ەgov.kz جۋىردا Telegram-دى ٸسكە قوستى. سمارتفوننىڭ كٶمەگٸمەن وسى بوت ارقىلى بٸرەر مينۋتتا تٸركەلۋگە بولادى. ٷشٸنشٸدەن, قازٸر ٶزٸڭٸزدٸ عانا ەمەس, بالالاردى دا ونلاين رەجيمدە تٸركەۋگە مٷمكٸندٸك تۋدى. جٷيە بارلىق مەلٸمەتتەردٸ قىسقا مەرزٸم ٸشٸندە اۆتوماتتى تٷردە شىعارىپ بەرەدٸ. بۇل پروتسەستٸ بارىنشا جەڭٸلدەتەدٸ ەرٸ ارتىق قۇجات تالاپ ەتپەيدٸ» دەدٸ ا.بەيسەنباەۆ.
جالپى, ەلٸمٸزدٸڭ كەز كەلگەن ازاماتىنىڭ جىلىنا بٸر رەت ەمحانا اۋىستىرۋعا قۇقىعى بار. دەمەك, تٸركەلۋگە دە سونداي مٷمكٸندٸك قاراستىرىلعان. سونىمەن قاتار, قونىس اۋدارعاندا, ەمحانا جابىلىپ قالعان جاعدايدا, جاقىن ماڭنان جاڭا ەمحانا سالىنسا, ەمحانا قىزمەتٸنە قاتىستى شىعىنداردى جاباتىن ەرٸكتٸ مەديتسينالىق ساقتاندىرۋ كەلٸسٸمشارتىن بەكٸتكەن جاعدايدا باسقا ەمحاناعا اۋىسۋعا بولادى. تٸركەۋمەن اينالىساتىن ەمحانالاردىڭ تولىق تٸزٸمٸن مەديتسينالىق ساقتاندىرۋ قورىنىڭ tms.kz سايتىنان تابۋعا بولادى.
امان جايىمبەتوۆ
