Semei qalasyna jumys saparymen Túrkistan oblysynyń delegatsiiasy keldi, dep habarlaidy "Ult aqparat".
Qalalyq Aqparat ortalyǵynyń málimetinshe, uly aqynnyń 175 jyldyǵyna orai Túrkistan oblysy Semeidegi jańa meshit aýmaǵyn abattandyrýda. Delegatsiia atqarylǵan jumystarmen tanysýǵa jáne Abai eline qurmet kórsetý maqsatynda keldi.
«Kezdesý qalalyq ákimdikte bastaldy. Onda jumys qorytyndylary men aldaǵy josparlar talqylandy. Otyrysqa Semei qalasynyń basshylyǵy men Túrkistan oblysynyń ókilderi, metsenattar, imamdar men kásipkerler qatysty. Sodan keiin delegatsiia meshitke baryp, júrgizilgen jumystarmen tanysty. Salynyp jatqan meshit aýmaǵynda búginde shyrshalar otyrǵyzylyp, quima tastar tóseldi, balalar jáne sport alańdary ornatyldy. Qazirgi tańda jumystar 95%-ǵa oryndalǵan. Jaqyn arada munda 500 kólikke arnalǵan avtoturaq ta paida bolady. Jalpy abattandyrý jumystaryn 20 qazanǵa deiin aiaqtaý josparlanyp otyr», - delingen habarlamada.
Keiin delegatsiia Abai eskertkishine bardy. Túrkistan oblysynan kelgen qonaqtar uly oishyldy eske alyp, monýment etegine gúl shoqtaryn qoidy. Sondai-aq delegatsiia ókilderi «Alash arystary» mýzeiine bas suqqan. Buryn osy ǵimaratta qazaq ziialylary men «Alash» partiiasynyń ókilderi jinalǵan bolatyn. Ekspozitsiiada alashordashylardyń tarihyna bailanysty kóptegen eksponattar usynylǵan.
Kezdesý sońynda delegatsiia ókilderi Semei óńirinen kelgen qonaqtardy árdaiym qýana qarsy alatynyn atap ótip, pandemiianyń tezirek aiaqtalyp, semeilikterdiń qalypty ómirge oralýyn tiledi.
