Túrkistan mýzykalyq drama teatrynda II maýsymnyń shymyldyǵy túrildi. Jańa maýsymnyń ashylýynda «Qorqyt týraly ańyz» plastikalyq qoiylymy sahnalandy.
Maýsymasharǵa Túrkistan oblysy mádeniet basqarmasynyń basshysy Á.Qoilybaev, qala qonaqtary men turǵyndary qatysty. Qoiýshy-rejisseri – K. Semenov. Kompozitory – H. Shanǵaliev. Kórkemdik jetekshisi – A Kópbasarova.
Memleket jáne qoǵam qairatkeri, jazýshy-dramatýrg Ermek Amanshaevtyń librettosy boiynsha sahnalanǵan spektaklde bas keiipker kórgen túsinen shoshyp, ólimnen qashady. Jeruiyq mekendi izdeidi. «Qaida barsa da, Qorqyttyń kórine» kezigip, aqyry týǵan jeri – Syrdariiaǵa oralady.
Eki kún qatarynan ótken maýsymasharǵa kelýshiler qarasy kóp boldy. Ashylǵanyna nebári jyl tolsa da, jas teatr buǵan deiin «Bórte», «Fariza», «Mahabbat munarasy» syndy qoiylymdardy sahnalap, kópshilikke usynǵan bolatyn. Osylaisha óz kórermenin qalyptastyryp, Túrkistannyń mádeni-rýhani damýyna, týristik áleýetin arttyrýǵa úles qosyp júr.
Eske sala keteiik, 22-23 qazan kúnderi atalmysh teatrda premera ótedi. Tuńǵysh ret qazaq sahnasynda «Triptih: «Gamlet», «Qaragóz», «Faýst» qoiylymy sahnalanbaq. M.Áýezov, Ý.Shekspir, I. Giote syndy úsh alyptyń shyǵarmasy Túrkistan teatry sahnasynda toǵysatyn bolady.
