Túrkistan oblysy mádeniet jáne týrizm basqarmasynyń «Túrkistan mýzykalyq drama teatry» MKQK kezekti III maýsymyn jańa qoiylymmen ashady.
Túrkistan mýzykalyq-drama teatry kezekti III maýsymyn ózbektiń kórnekti jazýshy-dramatýrgi Said Ahmadtyń «Kelinder kóterilisi» pesasy boiynsha qoiylatyn spektakldiń premerasymen ashady. Pesany qazaq tiline aýdarǵan – Asqar Súleimenov.
Álemniń 14 eliniń sahnasynda qoiylyp, kino óndirisinde eleýli týyndyǵa ainalǵan bul shyǵarma 40 jyl ótse de mańyzdylyǵyn áli joiǵan joq. Shyǵarma tuńǵysh ret 1978 jyly Muhtar Áýezov atyndaǵy Qazaq Memlekettik Akademiialyq drama teatrynyń sahnasynda kórsetildi. Qazirgi kúni qazaqstandyq teatrlardyń basym bóligi Said Ahmadtyń «Kelinder kóterilisi» spektaklin qoidy desek, qatelespeimiz.
Ózbek dramatýrginiń 40 jyldan astam tarihy bar «Kelinder kóterilisi» komediiasy Túrkistan mýzykalyq drama teatry sahnasynda zamanaýi kelbetke ie bolady. Instsenirovkanyń avtory jáne rejisseri Dáýren Serǵazin kórshi otyrǵan eki memlekettiń ortaq qundylyqtaryn tiimdi paidalanyp, jańasha sipatta mýzykalyq komediia jasap shyǵardy. Komediiada ene men kelin arasyndaǵy qarym-qatynas ǵana emes, jalpy qoǵamda oryn alyp otyrǵan máseleler de kórsetiledi. Adam balasynyń erkindigi, tańdaý quqyǵy, psihologiianyń jedel damý áseri siiaqty kúndelikti ómirde kezdesetin máseleler negizge alynǵan. Astarly ázilge toly komediia kórermen qaýymdy kúlkige qaryq qyla otyryp, tereń oiǵa batyrady.
Spektaklde rólderdi Túrkistan mýzykalyq drama teatrynyń jas ártisteri men elimizdiń aldyńǵy qatarly teatrlarynan shaqyrylǵan ártister somdaidy. Rólderde: QR Eńbek sińirgen qairatkeri Dáriia Júsip, QR Eńbek sińirgen qairatkeri Qonysbek Begaidarov, QR Eńbek sińirgen qairatkeri Álimhan Myrzahan, QR Memlekettik Prezident stipendiiasynyń iegeri Ainur Rahipova, QR Prezidentiniń mádeniet salasyndaǵy memlekettik stipendiiasynyń iegeri Jandaýlet Batai, otandyq birneshe tarihi filmderde basty róldi somdaǵan Baqyt Hadjibaev jáne Meiirǵat Amangeldin, qazaq kinosynyń beldi aktrisalary Qarlyǵash Tursynbekova, Tolqyn Nurbekova jáne Túrkistan mýzykalyq drama teatrynyń jas talantty ártisteri.
Stsenografy: Oljas Dárýbaev, horegrafy: Mádina Muratpekova, kórkemdik jetekshisi: Ainur Kópbasarova.
S. Ahmadtyń «Kelinder kóterilisi» komediialyq qoiylymynyń premerasy 21-22 qazan kúnderi saǵat 19:00-de bastalady.
Spektakldiń premerasyna arnalǵan baspasóz máslihaty 18 qazan kúni saǵat 15:00-de ótti. Máslihat barysynda kórermenderdi qyzyqtyrǵan suraqtar qoiylyp, basty róldegi ártister tarapynan tolyqqandy jaýaptar berildi.
