Túrkistan men Qyzylorda oblystarynyń fermelerin sýmen qamtamasyz etýde problema týyndaýy múmkin. Bul týraly QR Ekologiia, geologiia jáne tabiǵi resýrstar vitse-ministri Serik Qojaniiazov aitty, dep habarlaidy QazAqparat.
Syrdariia ózeni bassseini erekshe alańdaýshylyq týdyryp otyr. Aldyn ala esepteýlerge sáikes, vegetatsiiaaralyq kezeńde Shardara sý qoimasyna sýdyń kelip quiylýy barynsha tómen bolatyndyǵy kútiledi. Ony toltyrý barysynda úlken qiyndyqqa tap bolyp otyrmyz. Sondyqtan, ózenniń tómengi aǵysynan sý jiberýdi shektedik. Vegetatsiiaaralyq kezeńde Syrdariianyń tómengi jaǵy 2 mlrd tekshe metr sý ala almady», - dedi ol ministrliktiń alqa májilisinde.
Onyń atap ótýinshe, Shardara sý qoimasy Kóksarai sý rettegishinen ótken jylǵa qaraǵanda 770 mln tekshe metr sýdy kem aldy.
«Aǵyp keletin sý kóleminiń tómen boljanýyna bailanysty sý qoimasyn toltyrý qiyndyq týyndatady. Sonyń saldarynan Túrkistan men Qyzylorda oblystarynyń fermelerin sýarmaly sýmen qamtamasyz etýde problemalar týyndaýy, sonymen qatar Aral mańynyń ekologiialyq ahýaly kúrdelenýi yqtimal», - dedi Serik Qojaniiazov.
