Foto: AShM
Túrkistanda quny 146,8 mlrd teńge bolatyn maqta óńdeý kesheni salynady, dep habarlaidy Ult.kz.
Túrkistan oblysynda maqta óndirisin jańa deńgeige kóterýge baǵyttalǵan iri jobanyń qurylysy bastaldy. Jobanyń alǵashqy kapsýlasy Turan arnaiy ekonomikalyq aimaǵynda oblys ákimi Darhan Satybaldy men «Túrkistan maqta agroónerkásip kesheni» JShS bas direktory Siýi Tszeniń qatysýymen salyndy. Jobanyń jalpy quny — 146,8 mlrd teńge.
Tolyq tsikldi óndiristik toqyma kesheninde maqtadan bastap daiyn ónimge deiingi protsesterdi qamtityn 11 tseh jumys isteidi, olardyń qatarynda iirý, mata óndirisi, boiaý jáne óńdeý tsehtary bar. Fabrika jylyna 13 myń tonna iirimjip, 50 million metr úi toqyma buiymdary men 7 million jiyntyq tósek ábzelderin óndirýdi josparlap otyr. Óndiris iske qosylǵannan keiin 2000-nan astam jańa jumys orny ashylady.
Bul joba aiasynda Xinjiang Lihua (Group) Co., LTD qurylys júrgizip jatqan óndiristik keshen Qazaqstandaǵy maqta-mata klasteriniń damýyna úles qospaq. Keshenniń mańyzdy ereksheligi — álemdik sán indýstriiasynyń alyptary Louis Vuitton men Gucci brendterimen tikelei yntymaqtastyq. Osy arqyly made in Turkestan belgisimen daiyndalǵan ónimder áigili brendterge jol tartady.
Túrkistan oblysy — Qazaqstannyń maqta ósiretin jalǵyz óńiri. Osy óńirde jyl saiyn 100 myń gektar jerge maqta egilip, 300 myń tonnadan astam ónim alynady. Maqta-toqyma klasterin damytý aiasynda oblysta toǵyz klaster qurylyp, olar maqta baǵasyna táýeldilikti tómendetýge kómektesedi. Sonymen qatar, qytailyq ádisterge súienip, sý men energiia shyǵynyn azaitý jáne ónimdilikti 60-65 tsentnerge deiin arttyrý josparlanýda.
2023 jyly Túrkistan oblysynda zamanaýi qytailyq tehnologiialarmen jabdyqtalǵan «Cotton Maqta» JShS maqta óńdeý zaýyty iske qosylyp, zaýyt ótken jyly 40 myń tonna shitti maqtany qabyldady.
Bul jańa keshenniń ashylýy Túrkistan maqtasyn álemdik deńgeige shyǵaryp qana qoimai, Qazaqstannyń maqta óndirisiniń damýyna eleýli úles qosady.
