فوتو: اشم
تٷركٸستاندا قۇنى 146,8 ملرد تەڭگە بولاتىن ماقتا ٶڭدەۋ كەشەنٸ سالىنادى, دەپ حابارلايدى Ult.kz.
تٷركٸستان وبلىسىندا ماقتا ٶندٸرٸسٸن جاڭا دەڭگەيگە كٶتەرۋگە باعىتتالعان ٸرٸ جوبانىڭ قۇرىلىسى باستالدى. جوبانىڭ العاشقى كاپسۋلاسى Turan ارنايى ەكونوميكالىق ايماعىندا وبلىس ەكٸمٸ دارحان ساتىبالدى مەن «تٷركٸستان ماقتا اگروٶنەركەسٸپ كەشەنٸ» جشس باس ديرەكتورى سيۋي تسزەنٸڭ قاتىسۋىمەن سالىندى. جوبانىڭ جالپى قۇنى — 146,8 ملرد تەڭگە.
تولىق تسيكلدٸ ٶندٸرٸستٸك توقىما كەشەنٸندە ماقتادان باستاپ دايىن ٶنٸمگە دەيٸنگٸ پروتسەستەردٸ قامتيتىن 11 تسەح جۇمىس ٸستەيدٸ, ولاردىڭ قاتارىندا يٸرۋ, ماتا ٶندٸرٸسٸ, بوياۋ جەنە ٶڭدەۋ تسەحتارى بار. فابريكا جىلىنا 13 مىڭ توننا يٸرٸمجٸپ, 50 ميلليون مەتر ٷي توقىما بۇيىمدارى مەن 7 ميلليون جيىنتىق تٶسەك ەبزەلدەرٸن ٶندٸرۋدٸ جوسپارلاپ وتىر. ٶندٸرٸس ٸسكە قوسىلعاننان كەيٸن 2000-نان استام جاڭا جۇمىس ورنى اشىلادى.
بۇل جوبا اياسىندا Xinjiang Lihua (Group) Co., LTD قۇرىلىس جٷرگٸزٸپ جاتقان ٶندٸرٸستٸك كەشەن قازاقستانداعى ماقتا-ماتا كلاستەرٸنٸڭ دامۋىنا ٷلەس قوسپاق. كەشەننٸڭ ماڭىزدى ەرەكشەلٸگٸ — ەلەمدٸك سەن يندۋستريياسىنىڭ الىپتارى Louis Vuitton مەن Gucci برەندتەرٸمەن تٸكەلەي ىنتىماقتاستىق. وسى ارقىلى made in Turkestan بەلگٸسٸمەن دايىندالعان ٶنٸمدەر ەيگٸلٸ برەندتەرگە جول تارتادى.
تٷركٸستان وبلىسى — قازاقستاننىڭ ماقتا ٶسٸرەتٸن جالعىز ٶڭٸرٸ. وسى ٶڭٸردە جىل سايىن 100 مىڭ گەكتار جەرگە ماقتا ەگٸلٸپ, 300 مىڭ توننادان استام ٶنٸم الىنادى. ماقتا-توقىما كلاستەرٸن دامىتۋ اياسىندا وبلىستا توعىز كلاستەر قۇرىلىپ, ولار ماقتا باعاسىنا تەۋەلدٸلٸكتٸ تٶمەندەتۋگە كٶمەكتەسەدٸ. سونىمەن قاتار, قىتايلىق ەدٸستەرگە سٷيەنٸپ, سۋ مەن ەنەرگييا شىعىنىن ازايتۋ جەنە ٶنٸمدٸلٸكتٸ 60-65 تسەنتنەرگە دەيٸن ارتتىرۋ جوسپارلانۋدا.
2023 جىلى تٷركٸستان وبلىسىندا زاماناۋي قىتايلىق تەحنولوگييالارمەن جابدىقتالعان «Cotton ماقتا» جشس ماقتا ٶڭدەۋ زاۋىتى ٸسكە قوسىلىپ, زاۋىت ٶتكەن جىلى 40 مىڭ توننا شيتتٸ ماقتانى قابىلدادى.
بۇل جاڭا كەشەننٸڭ اشىلۋى تٷركٸستان ماقتاسىن ەلەمدٸك دەڭگەيگە شىعارىپ قانا قويماي, قازاقستاننىڭ ماقتا ٶندٸرٸسٸنٸڭ دامۋىنا ەلەۋلٸ ٷلەس قوسادى.
