Foto: Gov.kz
Biyl Túrkistan oblysynda 106,4 myń gektar jerge maqta egildi. Aldyn ala boljam boiynsha 300 myń tonna maqta jinaý josparlanyp otyr. Atalǵan másele Túrkistan oblysynyń ákimi Darhan Satybaldynyń tóraǵalyǵymen ótken májiliste talqylandy, dep habarlaidy «Ult aqparat».
Óńir basshysy maqta sharýashylyǵyna jańa tehnologiialardy, ádisterdi engizý jumystaryn kúsheitý kerektigin aitty.
– Maqta ósiriletin aýdan ákimderi jiyn-terim naýqanyna qoldaý kórsetip, sharýalarmen tyǵyz bailanysta jumys isteýleri tiis. Maqta sharýashylyǵyna tamshylatyp sýǵarý tehnologiiasyn keńinen engizińizder. Bul baǵytta jumys áli de tómen deńgeide. Jańa tásilderdi qoldanyp, maqtanyń ónimdiligin arttyryp, sapasyn jaqsartý asa mańyzdy. Sonda ǵana sharýalardyń jaǵdaiy jaqsaryp, maqta klasteri damidy, – degen Darhan Satybaldy aýdan ákimderi men jaýapty basqarma basshylaryna tapsyrmalar berdi.
Oblystyq aýyl arýashylyǵy basqarmasynyń basshysy Nurbek Badyraqovtyń aitýynsha, jiyn-terim naýqanyna daiyndyq júrip jatyr. Maqta qabyldaý zaýyttary men arnaiy oryndarynyń jumysy da júielene túsedi.
Aita keteiik, Túrkistan oblysynda maqta sapasyn arttyrý maqsatynda biyl jańa tásilmen 2,5 myń gektar alqapqa maqta egildi. Sheteldik tájiribe negizinde qolǵa alynǵan jańa sý únemdeý tehnologiiasy óz tiimdiligin dáleldedi. Jańa sý únemdeý tehnologiialary sýdy, elektr qýatyn, eńbek resýrstaryn jáne mineraldy tyńaitqyshtardy únemdei otyryp, gektarynan 60-65 tsentnerden ónim alýǵa múmkindik beredi. Bul oblystyń ortasha kórsetkishinen 2,5 esege joǵary.
Qazaqstandyq maqta talshyǵynyń sapasy tómen bolýyna bailanysty álemdik naryqta suranys bolmaýda. Jańa tehnologiiany endirý esebinen ónimdilikpen qatar, maqta talshyǵynyń básekelestik áleýeti ulǵaiady. Jalpy óńirde maqta sharýashylyǵyn damytý boiynsha birneshe maqta - toqyma klasteri qurylady. Jobany tolyq iske asyrý nátijesinde maqta baǵasyna táýeldilik tolyǵymen joiylady dep kútilip otyr.
Jańa tehnologiialyq ádis arqyly dáldikpen egilgen shit tuqymy tez ósip, jetiledi. Tamshylatyp sýarýdyń nátijesinde qoza kósegi túgeldei ashylyp, ónim kórsetkishi keminde 2 ese artady. Jańa innovatsiialyq tásildiń tiimdiligine kózi jetken diqandar osy ádiske ótpekshi. Bul agrosalaǵa serpin berip, ónim kólemin edáýir ulǵaitýǵa múmkindik beredi. Sonymen qatar oblysta maqtany tereń óńdeitin kópsalaly keshender men kásiporyndary qurylyp, daiyn ónimdi eksportqa shyǵarý josparlanýda. Oǵan qosa juqa matadan jasalǵan kiimder men joǵary sapaly toqyma buiymdaryn óńdeý men óndirý kózdelgen.
