فوتو: Gov.kz
بيىل تٷركٸستان وبلىسىندا 106,4 مىڭ گەكتار جەرگە ماقتا ەگٸلدٸ. الدىن الا بولجام بويىنشا 300 مىڭ توننا ماقتا جيناۋ جوسپارلانىپ وتىر. اتالعان مەسەلە تٷركٸستان وبلىسىنىڭ ەكٸمٸ دارحان ساتىبالدىنىڭ تٶراعالىعىمەن ٶتكەن مەجٸلٸستە تالقىلاندى, دەپ حابارلايدى «ۇلت اقپارات».
ٶڭٸر باسشىسى ماقتا شارۋاشىلىعىنا جاڭا تەحنولوگييالاردى, ەدٸستەردٸ ەنگٸزۋ جۇمىستارىن كٷشەيتۋ كەرەكتٸگٸن ايتتى.
– ماقتا ٶسٸرٸلەتٸن اۋدان ەكٸمدەرٸ جيىن-تەرٸم ناۋقانىنا قولداۋ كٶرسەتٸپ, شارۋالارمەن تىعىز بايلانىستا جۇمىس ٸستەۋلەرٸ تيٸس. ماقتا شارۋاشىلىعىنا تامشىلاتىپ سۋعارۋ تەحنولوگيياسىن كەڭٸنەن ەنگٸزٸڭٸزدەر. بۇل باعىتتا جۇمىس ەلٸ دە تٶمەن دەڭگەيدە. جاڭا تەسٸلدەردٸ قولدانىپ, ماقتانىڭ ٶنٸمدٸلٸگٸن ارتتىرىپ, ساپاسىن جاقسارتۋ اسا ماڭىزدى. سوندا عانا شارۋالاردىڭ جاعدايى جاقسارىپ, ماقتا كلاستەرٸ داميدى, – دەگەن دارحان ساتىبالدى اۋدان ەكٸمدەرٸ مەن جاۋاپتى باسقارما باسشىلارىنا تاپسىرمالار بەردٸ.
وبلىستىق اۋىل ارۋاشىلىعى باسقارماسىنىڭ باسشىسى نۇربەك بادىراقوۆتىڭ ايتۋىنشا, جيىن-تەرٸم ناۋقانىنا دايىندىق جٷرٸپ جاتىر. ماقتا قابىلداۋ زاۋىتتارى مەن ارنايى ورىندارىنىڭ جۇمىسى دا جٷيەلەنە تٷسەدٸ.
ايتا كەتەيٸك, تٷركٸستان وبلىسىندا ماقتا ساپاسىن ارتتىرۋ ماقساتىندا بيىل جاڭا تەسٸلمەن 2,5 مىڭ گەكتار القاپقا ماقتا ەگٸلدٸ. شەتەلدٸك تەجٸريبە نەگٸزٸندە قولعا الىنعان جاڭا سۋ ٷنەمدەۋ تەحنولوگيياسى ٶز تيٸمدٸلٸگٸن دەلەلدەدٸ. جاڭا سۋ ٷنەمدەۋ تەحنولوگييالارى سۋدى, ەلەكتر قۋاتىن, ەڭبەك رەسۋرستارىن جەنە مينەرالدى تىڭايتقىشتاردى ٷنەمدەي وتىرىپ, گەكتارىنان 60-65 تسەنتنەردەن ٶنٸم الۋعا مٷمكٸندٸك بەرەدٸ. بۇل وبلىستىڭ ورتاشا كٶرسەتكٸشٸنەن 2,5 ەسەگە جوعارى.
قازاقستاندىق ماقتا تالشىعىنىڭ ساپاسى تٶمەن بولۋىنا بايلانىستى ەلەمدٸك نارىقتا سۇرانىس بولماۋدا. جاڭا تەحنولوگييانى ەندٸرۋ ەسەبٸنەن ٶنٸمدٸلٸكپەن قاتار, ماقتا تالشىعىنىڭ بەسەكەلەستٸك ەلەۋەتٸ ۇلعايادى. جالپى ٶڭٸردە ماقتا شارۋاشىلىعىن دامىتۋ بويىنشا بٸرنەشە ماقتا - توقىما كلاستەرٸ قۇرىلادى. جوبانى تولىق ٸسكە اسىرۋ نەتيجەسٸندە ماقتا باعاسىنا تەۋەلدٸلٸك تولىعىمەن جويىلادى دەپ كٷتٸلٸپ وتىر.
جاڭا تەحنولوگييالىق ەدٸس ارقىلى دەلدٸكپەن ەگٸلگەن شيت تۇقىمى تەز ٶسٸپ, جەتٸلەدٸ. تامشىلاتىپ سۋارۋدىڭ نەتيجەسٸندە قوزا كٶسەگٸ تٷگەلدەي اشىلىپ, ٶنٸم كٶرسەتكٸشٸ كەمٸندە 2 ەسە ارتادى. جاڭا يننوۆاتسييالىق تەسٸلدٸڭ تيٸمدٸلٸگٸنە كٶزٸ جەتكەن ديقاندار وسى ەدٸسكە ٶتپەكشٸ. بۇل اگروسالاعا سەرپٸن بەرٸپ, ٶنٸم كٶلەمٸن ەدەۋٸر ۇلعايتۋعا مٷمكٸندٸك بەرەدٸ. سونىمەن قاتار وبلىستا ماقتانى تەرەڭ ٶڭدەيتٸن كٶپسالالى كەشەندەر مەن كەسٸپورىندارى قۇرىلىپ, دايىن ٶنٸمدٸ ەكسپورتقا شىعارۋ جوسپارلانۋدا. وعان قوسا جۇقا ماتادان جاسالعان كيٸمدەر مەن جوعارى ساپالى توقىما بۇيىمدارىن ٶڭدەۋ مەن ٶندٸرۋ كٶزدەلگەن.
