Taiaýda oblystyń jańa ortalyǵy Túrkistan kóshelerine osy bir erekshe gúldiń kóshetteri otyrǵyzyldy. Tabiǵat syiy tarazdyq kórshilerdiń kómegimen júzege asýda.
Elbasymyz «Uly dalanyń jeti qyry» atty maqalasynda: «Asqaq Alataýdyń baýraiy alma men qyzǵaldaqtyń tarihi otany. Al onyń ishinde qyzǵaldaqtyń orny erekshe» degen bolatyn. Shyndyǵynda qyzǵaldaq bizdiń maqtanyshymyz. Búginde qyzǵaldaqtyń 3 myńnan astam túri bolsa, onyń 35 túri Qazaqstanda ósedi eken.
Taraz qalasyndaǵy gúl egýmen ainalysatyn «Jasulan flora» mekemesi qyzǵaldaqtyń 20-dan astam túrin ósiredi. Osy mekemege qarasty jumysshylar Túrkistanǵa degen syi retinde qala kóshelerine qyzǵaldaq dánin otyrǵyzdy.
«Jasulan flora» JShS qyzmetkeri Jasulan Moldabaevtyń aitýynsha, tarazdyq bul mekeme 12 jyldan beri osyndai gúl egýmen ainalysady eken. Olar buǵan deiin de Tarazdan bólek Aqtóbe men Qyzylorda qalalarynda óz qoltańbalaryn qaldyrǵan. Endi osy úrdisti oblystyń jańa ortalyǵy Túrkistan qalasynda jalǵastyryp otyr.
Aita keterligi, jalpy tarazdyq jumysshylar kúshimen munda 300 myńǵa jýyq gúl otyrǵyzylmaq. Buiyrtsa, bul egilgen qyzǵaldaqtar erte kóktemde qulpyryp, qalaǵa erekshe kórik beretini anyq.
Taraz qalasynan 25 shaqyrym qashyqtyqta ornalasqan atalmysh kompaniianyń qosalqy sharýashylyǵy 47 ga aýmaqty alyp jatyr. Onda Koreia tehnologiiasy boiynsha salynǵan qysqy jáne jazǵy jylyjailar ornalasqan. Bul jylyjailarda Qazaqstannyń birneshe qalasyn kógaldandyrý men kóriktendirý úshin qoldanylatyn gúlder men jasyl kógaldy shópter ósiriledi.
