تاياۋدا وبلىستىڭ جاڭا ورتالىعى تٷركٸستان كٶشەلەرٸنە وسى بٸر ەرەكشە گٷلدٸڭ كٶشەتتەرٸ وتىرعىزىلدى. تابيعات سىيى تارازدىق كٶرشٸلەردٸڭ كٶمەگٸمەن جٷزەگە اسۋدا.
ەلباسىمىز «ۇلى دالانىڭ جەتٸ قىرى» اتتى ماقالاسىندا: «اسقاق الاتاۋدىڭ باۋرايى الما مەن قىزعالداقتىڭ تاريحي وتانى. ال ونىڭ ٸشٸندە قىزعالداقتىڭ ورنى ەرەكشە» دەگەن بولاتىن. شىندىعىندا قىزعالداق بٸزدٸڭ ماقتانىشىمىز. بٷگٸندە قىزعالداقتىڭ 3 مىڭنان استام تٷرٸ بولسا, ونىڭ 35 تٷرٸ قازاقستاندا ٶسەدٸ ەكەن.
تاراز قالاسىنداعى گٷل ەگۋمەن اينالىساتىن «جاسۇلان فلورا» مەكەمەسٸ قىزعالداقتىڭ 20-دان استام تٷرٸن ٶسٸرەدٸ. وسى مەكەمەگە قاراستى جۇمىسشىلار تٷركٸستانعا دەگەن سىي رەتٸندە قالا كٶشەلەرٸنە قىزعالداق دەنٸن وتىرعىزدى.
«جاسۇلان فلورا» جشس قىزمەتكەرٸ جاسۇلان مولداباەۆتىڭ ايتۋىنشا, تارازدىق بۇل مەكەمە 12 جىلدان بەرٸ وسىنداي گٷل ەگۋمەن اينالىسادى ەكەن. ولار بۇعان دەيٸن دە تارازدان بٶلەك اقتٶبە مەن قىزىلوردا قالالارىندا ٶز قولتاڭبالارىن قالدىرعان. ەندٸ وسى ٷردٸستٸ وبلىستىڭ جاڭا ورتالىعى تٷركٸستان قالاسىندا جالعاستىرىپ وتىر.
ايتا كەتەرلٸگٸ, جالپى تارازدىق جۇمىسشىلار كٷشٸمەن مۇندا 300 مىڭعا جۋىق گٷل وتىرعىزىلماق. بۇيىرتسا, بۇل ەگٸلگەن قىزعالداقتار ەرتە كٶكتەمدە قۇلپىرىپ, قالاعا ەرەكشە كٶرٸك بەرەتٸنٸ انىق.
تاراز قالاسىنان 25 شاقىرىم قاشىقتىقتا ورنالاسقان اتالمىش كومپانييانىڭ قوسالقى شارۋاشىلىعى 47 گا اۋماقتى الىپ جاتىر. وندا كورەيا تەحنولوگيياسى بويىنشا سالىنعان قىسقى جەنە جازعى جىلىجايلار ورنالاسقان. بۇل جىلىجايلاردا قازاقستاننىڭ بٸرنەشە قالاسىن كٶگالداندىرۋ مەن كٶرٸكتەندٸرۋ ٷشٸن قولدانىلاتىن گٷلدەر مەن جاسىل كٶگالدى شٶپتەر ٶسٸرٸلەدٸ.
