Túrkistandaǵy áýejaidyń qurylysy biylǵy jyl sońyna deiin aiaqtalatyn boldy. Bul týraly búgin QR Prezidenti Qasym-Jomart Toqaevtyń Túrkistan oblysyna jumys sapary barysynda málim boldy, dep habarlaidy "Ult aqparat" Aqorda taratqan málimetterge silteme jasap.
Sapar aiasynda Prezident Túrkistan qalasynyń áleýmettik-ekonomikalyq damý barysymen tanysqan edi. Osy shara barysynda Qazaqstan Prezidentine Túrkistan halyqaralyq áýejaiynyń qurylysy jaiynda aqparat berilip, áýejai qurylysynyń jyl sońyna deiin aiaqtalyp, paidalanýǵa beriletini aityldy.
«Túrkistan – qazaqtyń altyn besigi, rýhani ortalyǵy, túrki álemin biriktiretin kieli meken. Eki jylda Túrkistan oblysynyń ekonomikasy men áleýmettik salasyn qalpyna keltirý úshin aýqymdy jumys atqaryldy. Strategiialyq mańyzdy osy óńirdiń bolashaǵy zor ekenine senimdimin», - dep jazdy Memleket basshysy keiin óziniń Twitter-degi paraqshasynda.
