QR Parlamenti Májilisinde 2018-2022 jylǵa arnalǵan respýblikalyq biýdjetti naqtylaý týraly zań jobasy tanystyryldy, dep habarlaidy Baq.kz tilshisi.
Jiynda qarjy ministri Álihan Smaiylov atalǵan zań jobasy Shymkent qalasy men Túrkistan oblysynyń ákimshilik ózgertý týraly Memleket basshysynyń jarlyǵyn jáne olardyń damytý boiynsha sharalar qabyldaý týraly tapsyrmalardy iske asyrý úshin ázirlengenin atap ótti.
Onyń aitýynsha, biýdjettiń negizgi parametrleri ózgermegen. Osy oraida ol biýdjetke engiziletin shyǵys ózgeristerine bailanysty 155 mlrd teńgeniń bir bóligi qaida jumsalatanynyn jetkizdi.
«Birinshi, Elbasynyń Shymkent pen Túrkistannyń ákimshilik statýsynyń ózgerýine bailanysty jáne olardy damytý týraly bergen tapsyrmany oryndaýǵa baǵyttylǵan. Ol úshin biýdjetten 29,7 mldr teńge bólý qarastyrylyp otyr. Onyń ishinde 15,1 mlrd teńge osyǵan deiin Ońtústik Qazaqstan oblysyna bólý kózdelgen sýbventsiia», - dedi ministr.
Sondai-aq Smaiylov Túrkistan oblysy men Shymkent qalasyn damytýǵa qomaqty qarajat bólý josparlanyp otyrǵanyn jetkizdi.
«Nysanaly transfertter aiasynda atalǵan óńirlerdi damytý maqsatynda qosymsha 12,8 mlrd teńge bólinbek. Onyń ishinde 6,5 mlrd teńge Túrkistan qalasyn, 3,7 mlrd teńge Túrkistan oblysyn jáne 2,6 mlrd teńge Shymkent qalasyn damytýǵa bólinedi. Sondai-aq Túrkistanǵa oblys ortalyǵy statýsy berilgeni belgili. Sondyqtan ortalyq atqarýshy organdardyń jergilikti bólimderin ashý qajet. Atalǵan is-sharaǵa 1,7 mlrd teńge bólý kózdelgen», - dedi ol.
Sóz sońynda Álihan Smaiylov bolashaqta bólinetin aqsha óńirdegi turǵyn-úi kommýnaldyq sharýashylyǵyn kórkeitýge, jylý energetikasyn, gaz jáne transport sektoryn damytýdy, ári bilim jáne densaýlyq saqtaý nysandaryn salýǵa jumsalatynyn atap ótti.
.jpeg)