Foto: Gov.kz
2026 jylǵy 13-14 mamyr kúnderi Qazan qalasynda Islam áleminiń bilim, ǵylym jáne mádeniet máseleleri jónindegi uiymy – ISESKO Bas konferentsiiasynyń 15-shi sessiiasy ótip jatyr, dep habarlaidy Ult.kz.
Is-shara barysynda qatysýshylar uiymnyń 2020-2025 jyldar aralyǵyndaǵy atqarǵan jumysyna sholý jasap, ISESKO-nyń 2026-2029 jyldarǵa arnalǵan strategiialyq josparyn talqylady. Qujatta uiymnyń aldaǵy kezeńdegi negizgi damý basymdyqtary aiqyndalǵan.
Jiyn aiasynda Túrkistan qalasynyń 2027 jylǵy Islam áleminiń mádeni astanasy mártebesine usynylýy Qazaqstan úshin mańyzdy mádeni bastamalardyń biri boldy.
Konferentsiiada QR Mádeniet jáne aqparat vitse-ministri Rýstam Áli keiingi jyldary Islam álemi muralary tizimine Qazaqstannan «Toǵyzqumalaq» dástúrli oiyny, «Oiý-órnek» sándik-qoldanbaly ónerdiń úlgisi jáne «Qarmaqshy jyraýlary» aýyzsha poeziia dástúri saqtalǵan óner mektebi engizilgenin atap ótti.
Sonymen qatar qazaqstandyq tarap 2026 jyly Almaty qalasynda ál-Farabidiń adamzat tarihyna qosqan úlesine arnalǵan II halyqaralyq konferentsiia ótetinin jariialady. Is-shara ISESKO uiymymen birlesip uiymdastyrylady.
Aita keteiik, ISESKO Bas konferentsiiasy tórt jylda bir ret ótkiziledi. Biylǵy forým gibridti formatta ótip, oǵan uiymǵa múshe 53 memlekettiń ókilderi qatysýda.
