Foto: Gov.kz.
2024 jylǵy 14 qarashada QR Ónerkásip jáne qurylys ministri Qanat Sharlapaevtyń jetekshiligimen qytailyq «Xinjiang Lihua (Group) Co., Ltd.» (Sintszian Lihýa Grýpp) kompaniiasymen Túrkistan oblysynda maqta-toqyma klasterin qurý jobasyn júzege asyrý týraly kezdesý ótti, dep habarlaidy «Ult aqparat».
Xinjiang Lihua (Group) Co. maqta ósirý jáne ony ozyq óńdeý salasyndaǵy Qytaidaǵy eń iri kompaniialardyń biri. Kásiporyn maqta-matadan jip pen matalar, daiyn toqyma buiymdary siiaqty jeńil ónerkásip ónimderin shyǵarýǵa mamandanǵan.
Jiynǵa Ónerkásip komitetiniń tóraǵasy Azamat Panbaev, Túrkistan oblysynyń ákimi Darhan Satybaldy, sondai-aq qytailyq «K&K 86 LTD» kompaniiasynyń basshysy Siýi Tsze qatysty.
Birlesken joba Túrkistan oblysyndaǵy «TURAN» AEA-da maqta-toqyma klasterin qurýdy kózdeidi.
Joba 2 kezeńde júzege asyrylady dep kútilýde jáne kelesi nysandardyń qurylysyn qamtidy: PVH qubyrlaryn shyǵaratyn zaýyt; tamshylatyp sýarý júielerin shyǵaratyn zaýyt; maqta óńdeitin 2 zaýyt; iirý fabrikasy; zyǵyr mata óndirý boiynsha toqyma fabrikasy; boiaý jáne óńdeý zaýyty; tigin fabrikasy.
Jobanyń jalpy quny 180 mlrd teńgeni quraidy, tolyq iske asyrylǵan kezde 4 myńnan astam jumys orny ashylady.
Búgingi kúni tamshylatyp sýarý júiesi ornatylyp, 1120 ga alqapqa egis jumystary júrgizildi. Maqta ónimdiligi 55 ts/ga qurady. Iirý fabrikasynyń qurylysy bastaldy.
Ministr bul jobany júzege asyrýdyń Qazaqstannyń jeńil ónerkásibin damytýdaǵy mańyzdylyǵyn jáne ony qoldaýǵa jan-jaqty kómek kórsetý qajettigin atap ótti.
