فوتو: Gov.kz.
2024 جىلعى 14 قاراشادا قر ٶنەركەسٸپ جەنە قۇرىلىس مينيسترٸ قانات شارلاپاەۆتىڭ جەتەكشٸلٸگٸمەن قىتايلىق «Xinjiang Lihua (Group) Co., Ltd.» (سينتسزيان ليحۋا گرۋپپ) كومپانيياسىمەن تٷركٸستان وبلىسىندا ماقتا-توقىما كلاستەرٸن قۇرۋ جوباسىن جٷزەگە اسىرۋ تۋرالى كەزدەسۋ ٶتتٸ, دەپ حابارلايدى «ۇلت اقپارات».
Xinjiang Lihua (Group) Co. ماقتا ٶسٸرۋ جەنە ونى وزىق ٶڭدەۋ سالاسىنداعى قىتايداعى ەڭ ٸرٸ كومپانييالاردىڭ بٸرٸ. كەسٸپورىن ماقتا-ماتادان جٸپ پەن ماتالار, دايىن توقىما بۇيىمدارى سيياقتى جەڭٸل ٶنەركەسٸپ ٶنٸمدەرٸن شىعارۋعا ماماندانعان.
جيىنعا ٶنەركەسٸپ كوميتەتٸنٸڭ تٶراعاسى ازامات پانباەۆ, تٷركٸستان وبلىسىنىڭ ەكٸمٸ دارحان ساتىبالدى, سونداي-اق قىتايلىق «K&K 86 LTD» كومپانيياسىنىڭ باسشىسى سيۋي تسزە قاتىستى.
بٸرلەسكەن جوبا تٷركٸستان وبلىسىنداعى «TURAN» اەا-دا ماقتا-توقىما كلاستەرٸن قۇرۋدى كٶزدەيدٸ.
جوبا 2 كەزەڭدە جٷزەگە اسىرىلادى دەپ كٷتٸلۋدە جەنە كەلەسٸ نىسانداردىڭ قۇرىلىسىن قامتيدى: پۆح قۇبىرلارىن شىعاراتىن زاۋىت; تامشىلاتىپ سۋارۋ جٷيەلەرٸن شىعاراتىن زاۋىت; ماقتا ٶڭدەيتٸن 2 زاۋىت; يٸرۋ فابريكاسى; زىعىر ماتا ٶندٸرۋ بويىنشا توقىما فابريكاسى; بوياۋ جەنە ٶڭدەۋ زاۋىتى; تٸگٸن فابريكاسى.
جوبانىڭ جالپى قۇنى 180 ملرد تەڭگەنٸ قۇرايدى, تولىق ٸسكە اسىرىلعان كەزدە 4 مىڭنان استام جۇمىس ورنى اشىلادى.
بٷگٸنگٸ كٷنٸ تامشىلاتىپ سۋارۋ جٷيەسٸ ورناتىلىپ, 1120 گا القاپقا ەگٸس جۇمىستارى جٷرگٸزٸلدٸ. ماقتا ٶنٸمدٸلٸگٸ 55 تس/گا قۇرادى. يٸرۋ فابريكاسىنىڭ قۇرىلىسى باستالدى.
مينيستر بۇل جوبانى جٷزەگە اسىرۋدىڭ قازاقستاننىڭ جەڭٸل ٶنەركەسٸبٸن دامىتۋداعى ماڭىزدىلىعىن جەنە ونى قولداۋعا جان-جاقتى كٶمەك كٶرسەتۋ قاجەتتٸگٸن اتاپ ٶتتٸ.
