Qazaqstan Respýblikasynyń Prezidenti Qasym-Jomart Toqaevtyń Qazaqstan Respýblikasy Úkimetiniń 2022 jylǵy 14 shildedegi keńeitilgen otyrysynda bergen tapsyrmasyn oryndaý maqsatynda «Jaily mektep» Ulttyq jobasyn iske asyrý sheńberinde 2023-2025 jyldary Túrkistan oblysynda 60-tan asa mekteptiń qurylysyn salý josparlanýda. Onyń ishinde 300-den 2000 oqýshyǵa arnalǵan bilim berý uialary bar. Bul bastama óz igiligin bermek. Nátijesinde ulttyq joba aiasynda oblystaǵy anyqtalǵan apatty mektepter men úsh aýysymdy mektepterdiń máselesi sheshiledi
Qazirgi tańda Túrkistan oblysynda bilim berý salasyn keshendi damytý maqsatynda 2022-2025 jyldarǵa arnalǵan «TURKISTAN BILIMI» strategiialyq damý jospary ázirlenip jatyr. Osy josparǵa sáikes aýqymdy jobalar iske asyrylady.
«TURKISTAN BILIMI» ekojúiesinde bilim salasyn avtomattandyrý jáne bilim sapasyn arttyrý kózdelgen. Bul baǵyttaǵy jumystar bastaldy. Biyl oqý protsesine qajetti barlyq fýnktsiialardyń jiyntyǵy qamtylǵan bilim salasyndaǵy aqparattyq júielermen integratsiialanǵan «Bilim Land» platformasymen «Áleýetti memlekettik jekeshelik áriptestikti iske asyrý máseleleri boiynsha yntymaqtastyq týraly memorandým» jasaldy.
Atalǵan platformanyń bilim mazmunyna qatysty júiesine oblys mekepteri 100% tegin qosyldy.
Sonymen qatar pedagogterdi attestattaý protsesin avtomattandyrý boiynsha «E-Portfolio», bilim salasynyń analitikalyq esebin qalyptastyratyn «Basqarma.Smartnation.kz» bilim berý resýrstary engizilýde. Sondai-aq mektep kitaphanalaryn tsifrlandyrý úshin «E-Kitaphana» platformasy iske qosyldy.
Búgingi kúni oqýshylardyń bilim sapasy halyqaralyq zertteýlerdiń (PISA, TIMSS, TALIS, PIRLS) qorytyndysymen aiqyndalady. Joǵaryda atalǵan joba sheńberinde bilim sapasyn kóterý úshin pedagogterdiń biliktiligi men oqýshylardyń fýnktsionaldyq saýattylyǵyn arttyrý jumystary júrgizilip jatyr.
Ulttyq jobany júzege asyrý maqsatynda biyl qosymsha jan basyna shaqqanda qarjylandyrýǵa ótken 92 mekteptiń 32-si (fizika-14, himiia-14, biologiia-16, STEM-13) pándik kabinetterimen jabdyqtaldy.
Bilim berý salasynda 3 aýysymdy jáne apatty mektepterdi joiý, sondai-aq oqýshy oryndarynyń tapshylyǵyn azaitý maqsatynda 130 jańa mektep salynady.
Budan basqa, Nazarbaev ziiatkerlik mektebi men jataqhanasy bar «Daryn» mektep-internatynyń qurylysy josparlanǵan.
Ákimdik jeke investorlardyń qarajaty esebinen 13 mektep salynady. Sondai-aq oblystan kómek az qamtylǵan otbasylardan shyqqan 50 myńnan astam balaǵa beriledi: bul qarajatqa jergilikti biýdjetten shamamen 2 mlrd teńge jumsaldy. Balalarǵa mektep formasy men keńse kerek-jaraqtary satyp alyndy.
