Foto: Gov.kz.
Qazirgi naryqtyq ekonomikada satyp alýshylardyń quqyqtaryn qorǵaý men saýda oryndaryndaǵy ashyqtyq máselesi asa mańyzdy. Sórede taýar baǵalarynyń kórsetilmeýi – bul kóptegen jaǵdaida jii kezdesetin jaǵdai. Mundai jaǵdaidyń paida bolýy quqyqtyq jáne ekonomikalyq turǵydan birqatar qiyndyqtar men máselelerdi týyndatýy múmkin, dep habarlaidy «Ult aqparat».
QR «Ákimshilik quqyq buzýshylyq týraly» kodeksiniń 193-babynyń 4-bóligine sáikes Túrkistan oblysy boiynsha saýda jáne tutynýshylardyń quqyqtaryn qorǵaý departamenti 2024 jyly dúkenderde sóresinde taýar baǵasyn kórsetpegeni úshin 68 kásipkerlik sýbektisine 924 756 teńge aiyppul túrinde shara qoldanyldy.
Sórede taýarlardyń baǵalary kórsetilmegen jaǵdaida saýda oryndarynda baǵa kórsetýdiń mindettiligi men onyń durystyǵyn qadaǵalaý úshin baqylaýdy kúsheitý qajet. Sondai-aq, ákimshilik jaýapkershilikti arttyrý kerek. Sórede taýarlardyń baǵalary kórsetilmegen kezde tutynýshylardyń quqyqtary buzylady, naryqtaǵy ashyqtyq pen ádil básekelestik printsipteri saqtalmaidy. Mundai jaǵdailardy boldyrmaý úshin, Túrkistan oblysy boiynsha saýda jáne tutynýshylardyń quqyqtaryn qorǵaý departamenti QR Saýda jáne integratsiia ministrligi ázirlegen jadynamalardy Túrkistan oblysynda ornalasqan saýda oryndaryna taratylyp naqty talaptar qoiyldy. Tek osy jaǵdaida ǵana tutynýshylardyń quqyqtary tolyq qorǵalyp, naryqtyń turaqty ári tiimdi jumys isteýine múmkindik týady.
Quqyqtyq turǵydan QR «Tutynýshylardyń quqyqtaryn qorǵaý týraly» zańyna sáikes, jáne «Saýda qyzmetin retteý týraly» Zańynyń 9-baby, 31-baby 1-tarmaǵynyń 2-tarmaqshasyna saýda oryndarynda taýardyń baǵasy mindetti túrde kórsetilýi tiis delingen. Bul ereje tutynýshylardyń óz quqyqtaryn tolyq túsinýi men durys sheshim qabyldaýyn qamtamasyz etedi. Baǵalar kórsetilmegen jaǵdaida satyp alýshyǵa taýardyń qunyn aldyn ala bilý múmkindigi berilmeidi, bul zańǵa qaishy keledi. Sondai-aq, Qazaqstan Respýblikasynda «Ónimderdi tańbalaý jáne olardyń baǵalaryn kórsetý» týraly memlekettik standarttar bar. Bul standarttar dúkender men saýda oryndarynyń taýarlardyń baǵalaryn naqty jáne anyq kórsetýin talap etedi.
Baǵalary kórsetilmegen taýarlar sýpermarketter men bazarlarda jii kezdesedi. Mundai jaǵdailardyń oryn alýyna tehnikalyq sebepter, keide dúkender júiesiniń aqaýlary nemese jańa taýarlardyń engizilýi barysynda baǵalar ýaqytsha kórsetilmei qalýy múmkin. Baǵany aldyn ala bilmeý tutynýshylarǵa josparlaý men biýdjetteý qiyndyqtaryn týǵyzady. Mysaly, baǵa sońǵy sátte belgili bolǵan jaǵdaida, satyp alýshy óziniń shyǵystaryn qadaǵalai almaidy. Baǵalary kórsetilmegen saýda oryndary tutynýshylardyń senimin joǵaltýy múmkin. Satyp alýshy kez kelgen ýaqytta baǵany ózgertýi múmkin ekenin sezinip, ózine qolaily jaǵdai izdeidi.
Egerde óz quqyǵyńyzdyń buzylǵanyn baiqasańyz, dúken sórelerinde taýar baǵasy jazylmaǵan faktilerdi anyqtasańyz nemese áleýmettik mańyzy bar azyq-túlik taýarlary baǵasynyń ósýi baiqalsa, ia bolmasa sapasyz qyzmet alsańyz Saýda jáne tutynýshylardyń quqyqtaryn qorǵaý departamentine sol kásipkerge qatysty aryz-shaǵym bildirseńiz bolady. Ol úshin «jedel jeli» nómirlerine (+7771 322 8282, +7700 606 0071, +7775 224 5616, +7707 347 3876), sondai-aq elektrondy jáne jazbasha ótinishterdi departamenttiń mekenjaiyna (Túrkistan qalasy, Jańa qala móltek aýdany, 32 kóshe, 16 ǵimarat, A korpýsy, 427 kabinet), «E-otinish» aqparattyq júiesi arqyly jiberýge bolady.
