Búgin, iaǵni 12 jeltoqsan kúni Túrkistan oblysynyń ákimdiginde ońtústik óńirge issaparmen kelgen Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttigi Tóraǵasynyń orynbasary A.Shaiymova oblys aktivimen kezdesti.
Is-sharaǵa Ministrlikterdiń aýmaqtyq departament basshylary, jergilikti atqarýshy organ basshylary, qala, aýdan ákimderi, oblystyq arnaiy monitoring tobynyń, qoǵamdyq keńes músheleri men buqaralyq aqparat quraldarynyń ókilderi qatysty.
Jiynǵa tóraǵalyq etken oblys ákiminiń orynbasary Málik Otarbaev: «Elbasy óz Joldaýynda "Sybailas jemqorlyqtan ada óńirler" jobasyn iske asyrýdy tapsyrdy. Osy jobany júzege asyrý maqsatynda búgin «Túrkistan-adaldyq alańy» jobalyq keńsesiniń saltanatty ashylýy boldy. Jobada turmystyq jemqorlyqty joiý jáne qolaily jaǵdai jasaý tetikteri qarastyrylǵan, iaǵni bilim, densaýlyq saqtaý, halyqty áleýmettik qoldaý, sáýlet, qala qurylysy jáne jer qatynastary, memlekettik kirister organdary, sot jáne quqyq qorǵaý organdary, birinshi basshylardyń derbes jaýapkershiligi», - dep atap ótti.
Kezdesýde sóz alǵan Agenttik Tóraǵasynyń orynbasary A.Shaiymova elimizdegi memlekettik qyzmetti jetildirý jáne sybailas jemqorlyqqa qarsy sharalardy kúsheitý boiynsha ótkizilip jatqan is-sharalar týraly keńinen baiandap berdi.
Sondai-aq, A.Shaiymova Agenttikpen bastaý alǵan kishi baǵdarlamalar men qolǵa alynǵan jobalarǵa sybailas jemqorlyqqa qarsy is-qimyldy tiimdi júrgizý úshin, qoǵamda sybailas jemqorlyqqa qarsy mádenietti qalyptastyrýdyń mańyzdylyǵyna toqtaldy.
Is-shara sońynda jiynǵa qatysýshylar tarapynan qoiylǵan suraqtarǵa jaýaptar berilip, usynys-pikirler tyńdaldy.
.jpeg)