Túrkimenstannyń jańa prezidenti Serdar Berdimuhamedovtiń sýreti ólkeniń barlyq memlekettik mekemecinde iline bastady.
Mekeme basshylary eldi 15 jyl basqarǵan burynǵy prezident Gýrbangýly Berdimuhamedovtiń sýretin ulyna almastyrý jóninde tapsyrma alǵan.
Lebap oblysy quqyq qorǵaý organdarynyń keńseleri jańa prezidenttiń portretin birinshi bolyp ilip jatyr. Mekemeler sýretti óz esebinen satyp alyp jatyr.
Al osy oblystaǵy mektepterdiń direktorlary portret almastyrýda birqatar qiyndyqqa tap bolǵan.
"Mektep direktorlary endi "Arqadaǵtyń" sýretin ne isteimiz. Ony qaida qoiamyz dep bas qatyryp jatyr" deidi Azattyqtyń Túrkimen qyzmetiniń derekkózi.
Túrkimenstanda prezidenttiń sýretterin almastyrý jyl saiyn halyq esebinen júrgiziledi.
Túrkimenstannyń Ortalyq sailaý komissiiasy 40 jastaǵy Serdar Berdimuhamedov 12 naýryzda ótken prezident sailaýynda 73 paiyz daýys jinap, jeńgenin jariialaǵan.
