Elbasynyń «Uly dalanyń jeti qyry» maqalasyna qatysty elimizge eńbegi sińgen qoǵam qairatkeri, jazýshy Aldan Smaiyl óz pikirin bildirdi, dep habarlaidy QazAqparat tilshisi.
«Elbasy maqalasyndaǵy tapsyrmalardy oryndaý maqsatynda Astanadaǵy L.Gýmilev atyndaǵy EUÝ nemese Almatydaǵy ál-Farabi atyndaǵy QazUÝ bazasynda túrkologtardyń arnaiy birlestigin qurý kerek dep esepteimin. Jáne olardy tolyq qarjylandyryp, basqa mindetterden bosatý kerek. Iaǵni olar túrki dúniesimen bailanysy bar eldermen tyǵyz jumys jasap, birlesken jobalardy jumylyp atqarýy tiis. Elbasy ózi «kerek bolsa, shetelden mamandardy shaqyrtý qajet» dep aityp ótti. Osy turǵyda túrki álemi qazaqtarmen ǵana bailanysty emes. Bul - ortaq is pen abyroi», - dedi Aldan Smaiyl.
Onyń aitýynsha, atalǵan birlestik ejelgi zamannan bastap búginge deiingi túbi bir túrki tarihyn jańa kózqaraspen zerdelep shyǵýy kerek.
«Atalǵan zertteýlerdiń nátijesinde ózimizdiń túrki tildes halyqtardyń ortaq entsiklopediiasyn jasaýymyz kerek. Onyń asa qiyndyǵy joq, óitkeni kóptegen túrki tildes baýyrlarymyz, iaǵni túrik, ázerbaijan, qyrǵyz jáne basqalardyń shyqqan tegi, túp-tamyry týraly daiyn eńbekteri bar, ol bizde de bar. Solardy jinaqtap, shaǵyndaý qajet. Bulai deitin sebebim, tom-tom bolǵan tarihi shejirelerdi qazirgi jastar oqyp otyrmaidy. Al jinaqtap jáne zamanǵa sai elektrondy túrde jasap shyǵarsa jáne ol qoljetimdi bolsa, onda másele basqasha», - dedi ol.
Sonymen qatar, qoǵam qairatkeri túrki tildes halyqtardyń ortaq tarihy men baýyrlastyǵyn baiandaityn televiziialyq joba túsirý qajettigine de toqtaldy.
Aita keteiik, Elbasy óziniń «Uly dalanyń jeti qyry» maqalasynda Qazaqstannyń órkeniet tarihynyń úzdiksiz damýyn kórsetetin derekti-qoiylymdyq filmderdiń, televiziialyq serialdar men tolyqmetrajdy kórkem kartinalardyń arnaiy tsiklyn óndiriske engizý kerektigin aitqan bolatyn.
.jpeg)