28 sáýirde Túrki keńesiniń múshe jáne baqylaýshy memleketteriniń densaýlyq saqtaý ministrleriniń 2020 jylǵy beine konferentsiiasy ótti, dep habarlaidy "Ult aqparat".
Shara 10 sáýirdegi Túrki keńesiniń kezekten tys sammiti barysynda memleket basshylary qabyldaǵan sheshimderdiń oryndalýyna arnalǵan.
Kezdesýge Túrki keńesiniń qazirgi tóraǵasy Ázerbaijannyń Densaýlyq saqtaý ministri Oktai Shiraliev, Túrki keńesiniń Bas hatshysy Baǵdad Ámireev, Qazaqstannyń Densaýlyq saqtaý ministri Eljan Birtanov, Túrkiianyń Densaýlyq saqtaý ministri Fahrettin Koja, Ózbekstannyń Densaýlyq saqtaý ministri Álisher Shadmanov, Qyrǵyzstannyń Densaýlyq saqtaý ministriniń orynbasary Nurbolot Úsenbaev, Majarstannyń Densaýlyq saqtaý jónindegi memlekettik hatshysy Zoltan Lorinchi jáne Dúniejúzilik densaýlyq saqtaý uiymynyń Eýropa boiynsha aimaqtyq direktory Hans Anri Klýge qatysty.
Densaýlyq saqtaý ministrleri COVID-19-men kúrestegi jáne pandemiiadan keiingi kezeńde Túrki keńesi sheńberindegi yntymaqtastyqtyń mańyzdylyǵyn atap ótti.
Otyrysta aqparatpen tájiribe almasý jáne profilaktikalyq ádister, diagnoz qoiý, qaýipti infektsiialardy emdeý, epidemiologiialyq jáne ǵylymi zertteýler úshin kópjaqty yntymaqtastyq tetikterin qurý týraly sheshim qabyldandy. Ministrler taraptardyń meditsinalyq qyzmetkerleri arasynda birlesken tehnikalyq kezdesýler men mamandar daiyndaý baǵdarlamalaryn ótkizýge kelisti.
Sonymen qatar, ministrler densaýlyq saqtaý infraqurylymyna birlesken investitsiialardyń, atap aitqanda test jiyntyqtary, maskalar, farmatsevtika, vaktsina oilap tabý qajetti zerthanalyq meditsinalyq jabdyqtardyń óndirý máselelerin talqylady. Osyǵan bailanysty, taraptar joǵaryda atalǵan salalardaǵy yntymaqtastyq úshin «Jetkizilim tizbegi tobyn» qurýǵa kelisti. Ministrler sondai-aq, jaqyn arada joǵaryda atalǵan zattardy shyǵarý boiynsha memlekettik jáne jeke kompaniialar arasynda yntymaqtastyq ornatýǵa arnalǵan arnaiy biznes forým ótkizýge kelisti.
Bas hatshy Baǵdad Ámireev óz sózinde ministrlerdi Túrki keńesi Prezidentteriniń 2020 jylǵy 10 sáýirde ótken tótenshe sammitiniń sheshimderi týraly habardar etip sáýirdiń aiaǵy men mamyrdyń basynda josparlanǵan Túrki keńesi múshe memleketteriniń kólik, ekonomika, saýda, aqparattyq jáne kommýnikatsiialyq tehnologiialar (AKT) ministrleriniń jáne kóshi-qon qyzmetteri basshylarynyń videokonferentsiialarynyń kún tártibi týraly aqparat berdi.
Bas hatshy múshe memleketterdiń tiisti mekemeleri arasyndaǵy ózara is-qimyl men úilestirý jumysyn arttyrý maqsatynda yntymaqtastyqtyń kópjaqty tetikterin qurý týraly pikirlerin aitty.
B.Ámireev densaýlyq saqtaý jáne birlesken meditsinalyq jáne zerthanalyq jabdyqtaryn shyǵarý, sondai-aq farmatsevtikalyq ónimder men vaktsinalar óndirý salasyndaǵy birlesken óndiris oryndaryn qurý jaily usynys jasady.
Bas hatshy, Túrki memleketteriniń basshylarynyń sheshimderine sáikes, uiymnyń pandemiiadan keiingi kezeńde de, birlesken kúsh-jigerdi úilestirý máseleleri boiynsha jáne densaýlyq saqtaý ministrleriniń kezdesýde qol jetken kelisimderdiń oryndaý úshin qajetti sharalardy qabyldaitynyn aitty.
