QR Bilim jáne ǵylym ministri Ashat Aimaǵambetov Qazaqstanda ornalasqan Túrki akademiiasyna ǵimarat berý máselesine pikir bildirdi, dep habarlaidy QazAqparat.
«Túrki akademiiasynyń halyqaralyq uiym ekenin bilesizder. Sondyqtan onyń basshylyǵyn Qazaqstan Respýblikasy taǵaiyndamaidy. Tiisti sailaý tártibi bar. Qazirgi ýaqytta Qazaqstan azamaty osy halyqaralyq uiymdy basqarady. Uiym on jyldan astam ýaqyt jumys istep keledi. Bul uiym úshin arnaiy ǵimarat salynbaidy. Diplomatiialyq qalashyqta ornalasqan ǵimarattardyń biri berildi. Iaǵni, osy ýaqytqa deiin bar infraqurylym halyqaralyq uiymǵa ýaqytsha paidalanýǵa beriledi. Bul jaǵdaida jańa qurylys pen qosymsha shyǵyndar josparlanyp otyrǵan joq», - dedi Ashat Aimaǵambetov Senat otyrysynan keiin tilshilerge bergen suhbatynda.
Aita keteiik, búgin Senat túrkitildes memlekettermen yntymaqtastyqqa qatysty qujatty qabyldady. «QR Úkimeti men Túrki akademiiasy arasyndaǵy Túrki akademiiasyn ornalastyrýdyń sharttary men tártibi týraly kelisimdi ratifikatsiialaý týraly» Zańy qabyldandy.
Kelisim kúshine engennen keiin akademiianyń jergilikti jáne sheteldik qyzmetkerleri Syrtqy ister ministrliginde akkreditteýden ótýi tiis bolady. Shetel qyzmetkerleri úshin bul olardyń el aýmaǵynda bolýyna negiz bolyp sanalady.
