قر بٸلٸم جەنە عىلىم مينيسترٸ اسحات ايماعامبەتوۆ قازاقستاندا ورنالاسقان تٷركٸ اكادەميياسىنا عيمارات بەرۋ مەسەلەسٸنە پٸكٸر بٸلدٸردٸ, دەپ حابارلايدى قازاقپارات.
«تٷركٸ اكادەميياسىنىڭ حالىقارالىق ۇيىم ەكەنٸن بٸلەسٸزدەر. سوندىقتان ونىڭ باسشىلىعىن قازاقستان رەسپۋبليكاسى تاعايىندامايدى. تيٸستٸ سايلاۋ تەرتٸبٸ بار. قازٸرگٸ ۋاقىتتا قازاقستان ازاماتى وسى حالىقارالىق ۇيىمدى باسقارادى. ۇيىم ون جىلدان استام ۋاقىت جۇمىس ٸستەپ كەلەدٸ. بۇل ۇيىم ٷشٸن ارنايى عيمارات سالىنبايدى. ديپلوماتييالىق قالاشىقتا ورنالاسقان عيماراتتاردىڭ بٸرٸ بەرٸلدٸ. ياعني, وسى ۋاقىتقا دەيٸن بار ينفراقۇرىلىم حالىقارالىق ۇيىمعا ۋاقىتشا پايدالانۋعا بەرٸلەدٸ. بۇل جاعدايدا جاڭا قۇرىلىس پەن قوسىمشا شىعىندار جوسپارلانىپ وتىرعان جوق», - دەدٸ اسحات ايماعامبەتوۆ سەنات وتىرىسىنان كەيٸن تٸلشٸلەرگە بەرگەن سۇحباتىندا.
ايتا كەتەيٸك, بٷگٸن سەنات تٷركٸتٸلدەس مەملەكەتتەرمەن ىنتىماقتاستىققا قاتىستى قۇجاتتى قابىلدادى. «قر ٷكٸمەتٸ مەن تٷركٸ اكادەميياسى اراسىنداعى تٷركٸ اكادەميياسىن ورنالاستىرۋدىڭ شارتتارى مەن تەرتٸبٸ تۋرالى كەلٸسٸمدٸ راتيفيكاتسييالاۋ تۋرالى» زاڭى قابىلداندى.
كەلٸسٸم كٷشٸنە ەنگەننەن كەيٸن اكادەمييانىڭ جەرگٸلٸكتٸ جەنە شەتەلدٸك قىزمەتكەرلەرٸ سىرتقى ٸستەر مينيسترلٸگٸندە اككرەديتتەۋدەن ٶتۋٸ تيٸس بولادى. شەتەل قىزمەتكەرلەرٸ ٷشٸن بۇل ولاردىڭ ەل اۋماعىندا بولۋىنا نەگٸز بولىپ سانالادى.
