AQSh-taǵy Kaspii Saiasat Ortalyǵynyń (Caspian Policy Center) delegatsiiasy Túrki akademiiasyna keldi. Bul týraly akademiianyń baspasóz qyzmeti habarlady.
SRS Bas direktory Efgan Nifti basshylyǵyndaǵy delegatsiia quramynda AQSh–tyń Qazaqstandaǵy burynǵy elshisi jáne CPC Basqarma keńesiniń múshesi Richard E. Hoagland, CPC baǵdarlama mamany Djeremi Koen boldy. Mártebeli meimandardy Túrki akademiiasynyń basshysy Darhan Qydyráli qarsy aldy. Eki jaqty kezdesý barysynda atalǵan ortalyq pen Túrki akademiiasy arasynda turaqty áriptestik bailanys ornatý máseleleri talqylandy.
Túrki akademiiasynyń prezidenti Darhan Qydyráli uiymnyń maqsaty men qyzmeti týraly keńinen málimet berip, BUU, IýNEKO jáne ISESKO siiaqty irgeli halyqaralyq uiymdardyń shtab-páterlerinde Akademiia tarapynan uiymdastyrylǵan is-sharalar jóninde aitty.
Óz kezeginde delegatsiia jetekshisi Efgan Nifti CPC-tyń AQSh-taǵy Kaspii mańy aimaǵy týraly zertteýler júrgizetin mańyzdy saraptama ortalyǵy ekenine toqtaldy. Sondai-aq ol Nur-Sultan qalasyna alǵashqy resmi sapary aiasynda Akademiiaǵa kelegenin mártebe sanaitynyn jetkizdi.
Kezdesýde sóz alǵan Elshi Richard E. Hoagland óziniń birneshe jyldar boiy Qazaqstan men Ázerbaijanda qyzmet etkenin jáne Ortalyq Aziia aimaǵynyń halyqaralyq arenadaǵy mańyzy edáýir artqanyn atap ótti.
Túrki akademiiasy júzege asyrǵan jobalardy joǵary baǵalaǵan delegatsiia basshysy Efgan Nifti Kaspii saiasat ortalyǵynyń Akademiiamen tyǵyz yntymaqtastyq ornatýǵa yntaly ekenin málimdedi.
Kezdesý sońynda uiym basshysy Darhan Qydyráli CPC Bas direktory Efgan Niftige Akademiia shyǵarǵan baǵaly basylymdardy syiǵa tartty.
