QR SIM men «Qazaq týrizmi» Ulttyq kompaniiasy» qyzmetterin úilestiredi. Qazaqstan Respýblikasynyń Syrtqy ister ministrligi elimizdiń týristik salasyn damytýdy qamtityn ekonomikalyq diplomatiiany ilgeriletýdi jalǵastyrýda.
Atalǵan baǵyttaǵy jumys sheńberinde 2017 jylǵy 13 qarashada Qazaqstan Syrtqy ister ministri Qairat Ábdirahmanov «Qazaq týrizmi» Ulttyq kompaniiasy» AQ Basqarma tóraǵasy Rashid Kúzembaevpen kezdesti.
Kezdesý barysynda Q. Ábdirahmanov Prezident Nursultan Nazarbaev «100 naqty qadam» Ulttyq Josparǵa sáikes týristik klasterlerdi qurýdaǵy tabysty tájiribesi bar strategiialyq (zákirlik) investorlardy tartý boiynsha týrizm indýstriiasynyń odan ári damýyna erekshe kóńil bóletinin atap ótti. Qazaqstan Respýblikasynda týrizmdi damytýǵa múmkindik beretin Memleket basshysynyń «Rýhani janǵyrý» baǵdarlamalyq maqalasynyń júzege asyrylýyna erekshe nazar aýdaryldy.
Taraptar Qazaqstan Respýblikasynyń týristik salasyn damytýdyń 2023 jylǵa deiingi tujyrymdamasyn iske asyrý boiynsha Syrtqy ister ministrligi men Qazaqstan Respýblikasy Mádeniet jáne sport ministrliginiń Týrizm indýstriiasy komiteti arasyndaǵy ózara is-qimyldy jandandyrý mańyzdylyǵyn atap ótti.
Eko jáne etnotýrizmdi damytý, sheteldik azamattar úshin liberaldy vizalyq rejim jasaý, elimizdiń investitsiialyq qyzmetin jáne týristik áleýetin júzege asyrý men shet elderge týristik maqsatpen baratyn QR azamattarynyń múddelerin qorǵaýǵa baǵyttalǵan jaǵymdy vizalyq saiasatty qurý boiynsha sharttyq-quqyqtyq bazany keńeitý máseleleri talqylandy. Arnaýly elderde etnostyq jáne «ańsaý» týrizmin damytý úshin jergilikti diaspora men burynǵy otandastarmen bailanystardy ornyqtyrý mańyzdylyǵy aityldy.
Taraptar shet elderde usynylatyn týristik áleýet boiynsha jobalardy birlese daiyndaýǵa, sheteldik tilshiler men blogerlerdi qamtityn baspasóz-týrlaryn uiymdastyrýǵa ýaǵdalasyldy.
Kezdesý barysynda BUU Búkilálemdik týristik uiymymen yntymaqtastyq máselelerine erekshe mán berildi.
Kezdesý qorytyndysy boiynsha taraptar týrizm salasyndaǵy ekijaqty yntymaqtastyqty damytý úshin mańyzdy elder boiynsha naqty kún tártibin pysyqtaýǵa, sondai-aq álemniń eń iri operatorlardyń týristik paketterine qazaqstandyq ónimderdi qosý múmkindigin zerdeleýge kelisti.
.jpeg)