Tailand politsiiasy Bangkoktaǵy Sývarnabhými halyqaralyq áýejaiynda elden ketpek bolǵan týristiń ustalǵanyn habarlady. Aldyn ala nusqa boiynsha, ol qyzdy óltirip, denesin chemodanǵa jasyryp qoiǵan bolýy múmkin, dep habarlaidy ult.kz.
Metro basylymynyń málimetinshe, 46 jastaǵy Avstraliia azamaty Saimon Kerman Pattaiiada 17 jastaǵy jergilikti qyzben tanysqan. Keiin qyz iz-túzsiz joǵalyp ketken.
Tergeýde jergilikti BAQ jariialaǵan beinebaqylaý kameralarynyń jazbalary mańyzdy ról atqarǵan. Kadrlarda er adamnyń tańǵa jaqyn 17 jastaǵy qyzdyń qolynan ustap, qonaqúige birge kirgeni kórinedi. Al keshke qarai ol ǵimarattan úlken qara chemodanmen shyqqan.
Chemodandy mototsiklge deiin jetkizý oǵan shamamen 20 minýt ýaqyt alǵan. Er adam ony áreń súirep aparyp, keiin mototsiklge uzaq ýaqyt boiy tiep, bekitýge tyrysqan. Arada 20 minýt ótken soń ol qonaqúige qolynda eshteńesiz qaita oralǵan.
17 jastaǵy qyzdyń dostary onymen uzaq ýaqyt bailanysa almaǵan soń politsiiaǵa júgingen. Keiin qyzdyń denesi salynǵan chemodan temirjol mańynan tabyldy.
Qaza tapqan qyzdyń ata-anasyna úndeýinde Kerman: "Qyzyńyzben mundai jaǵdai bolǵanyna qatty ókinemin, men eshteńe istei almadym", – degen.
Avstraliia azamaty óz kinásin moiyndamai otyr. Onyń aitýynsha, jańa tanysy ol uiyqtap jatqan kezde bólmeden shyǵyp ketken.
Aldyn ala málimet boiynsha, ekeýi aqshaǵa bailanysty janjaldasqan bolýy múmkin. Kúdiktiniń qonaqúi bólmesinen kúres izderi tabylǵan. Al Kermannyń beti men moinynda kóptegen tyrnaq izderi bolǵan. Bul jábirlenýshiniń qarsylyq kórsetkenin bildirýi múmkin. Alaida avstraliialyq er adam bul jaraqattardy "órmekshilerdiń shabýylymen" túsindirgen.
