تايلاند پوليتسيياسى بانگكوكتاعى سۋۆارنابحۋمي حالىقارالىق ەۋەجايىندا ەلدەن كەتپەك بولعان تۋريستٸڭ ۇستالعانىن حابارلادى. الدىن الا نۇسقا بويىنشا, ول قىزدى ٶلتٸرٸپ, دەنەسٸن چەمودانعا جاسىرىپ قويعان بولۋى مٷمكٸن, دەپ حابارلايدى ult.kz.
Metro باسىلىمىنىڭ مەلٸمەتٸنشە, 46 جاستاعى اۆسترالييا ازاماتى سايمون كەرمان پاتتاييادا 17 جاستاعى جەرگٸلٸكتٸ قىزبەن تانىسقان. كەيٸن قىز ٸز-تٷزسٸز جوعالىپ كەتكەن.
تەرگەۋدە جەرگٸلٸكتٸ باق جارييالاعان بەينەباقىلاۋ كامەرالارىنىڭ جازبالارى ماڭىزدى رٶل اتقارعان. كادرلاردا ەر ادامنىڭ تاڭعا جاقىن 17 جاستاعى قىزدىڭ قولىنان ۇستاپ, قوناقٷيگە بٸرگە كٸرگەنٸ كٶرٸنەدٸ. ال كەشكە قاراي ول عيماراتتان ٷلكەن قارا چەمودانمەن شىققان.
چەموداندى موتوتسيكلگە دەيٸن جەتكٸزۋ وعان شامامەن 20 مينۋت ۋاقىت العان. ەر ادام ونى ەرەڭ سٷيرەپ اپارىپ, كەيٸن موتوتسيكلگە ۇزاق ۋاقىت بويى تيەپ, بەكٸتۋگە تىرىسقان. ارادا 20 مينۋت ٶتكەن سوڭ ول قوناقٷيگە قولىندا ەشتەڭەسٸز قايتا ورالعان.
17 جاستاعى قىزدىڭ دوستارى ونىمەن ۇزاق ۋاقىت بايلانىسا الماعان سوڭ پوليتسيياعا جٷگٸنگەن. كەيٸن قىزدىڭ دەنەسٸ سالىنعان چەمودان تەمٸرجول ماڭىنان تابىلدى.
قازا تاپقان قىزدىڭ اتا-اناسىنا ٷندەۋٸندە كەرمان: "قىزىڭىزبەن مۇنداي جاعداي بولعانىنا قاتتى ٶكٸنەمٸن, مەن ەشتەڭە ٸستەي المادىم", – دەگەن.
اۆسترالييا ازاماتى ٶز كٸنەسٸن مويىنداماي وتىر. ونىڭ ايتۋىنشا, جاڭا تانىسى ول ۇيىقتاپ جاتقان كەزدە بٶلمەدەن شىعىپ كەتكەن.
الدىن الا مەلٸمەت بويىنشا, ەكەۋٸ اقشاعا بايلانىستى جانجالداسقان بولۋى مٷمكٸن. كٷدٸكتٸنٸڭ قوناقٷي بٶلمەسٸنەن كٷرەس ٸزدەرٸ تابىلعان. ال كەرماننىڭ بەتٸ مەن موينىندا كٶپتەگەن تىرناق ٸزدەرٸ بولعان. بۇل جەبٸرلەنۋشٸنٸڭ قارسىلىق كٶرسەتكەنٸن بٸلدٸرۋٸ مٷمكٸن. الايدا اۆسترالييالىق ەر ادام بۇل جاراقاتتاردى "ٶرمەكشٸلەردٸڭ شابۋىلىمەن" تٷسٸندٸرگەن.
