Búgin Senatta «Qazaqstan Respýblikasynyń keibir zańnamalyq aktilerine týristik qyzmet máseleleri boiynsha ózgerister men tolyqtyrýlar engizý týraly» zań jobasy talqylandy, dep habarlaidy "Ult aqparat" joǵary palatanyń baspasóz qyzmetine silteme jasap.
Áleýmettik-mádeni damý jáne ǵylym komitetiniń keńeitilgen otyrysynda zań jobasy retteýshi quraldardy ońtailandyrý arqyly ishki jáne kelý týrizmin damytýdy yntalandyrýǵa baǵyttalǵandyǵy atap ótildi.
Elimizdiń zańnamasyna sáikes týristik nysandar memleket qoldaýyndaǵy jeke kásiporyndar tizimine engiziledi, sondai-aq jańa nysandar salý barysynda investitsiialyq preferentsiialar týraly normalarmen tolyqtyrylady.
«Basymdyqqa ie týristik aimaqtardy jasaý resýrstardy damýdyń eń perspektivalyq núktelerine baǵyttaýǵa jáne mýltiplikativti áserdiń esebinen týristik naryqtaǵy aýmaqtardyń básekege qabilettiligin arttyrýǵa, sondai-aq týrizm klasteri quramyna kiretin týristik uiymdardyń tiimdiligin arttyrýǵa kómektesedi», - dedi senator Dinar Nóketaeva.
Talqylaý qorytyndysy boiynsha qujatty Palatanyń qaraýyna jiberý týraly sheshim qabyldandy.
