Foto: Depositphotos.com
2025 jyldyń qańtar–shilde ailarynda Qazaqstanǵa kelgen sheteldik týrister orta eseppen 5 kún bolǵan. Bul týraly QR SJRA Ulttyq statistika biýrosy 24 myń sheteldik kelýshi arasynda júrgizilgen zertteý nátijesinde málimdedi, dep habarlaidy Ult.kz.
Týrister ne úshin keledi?
-
73,1% – jeke maqsatpen (demalys, týysqa barý, saiahat)
-
26,9% – iskerlik saparmen
Kelýshilerdiń jasy:
Týristerdiń jartysynan astamy – 25 pen 44 jasta.
Eń tanymal baǵyttar:
-
Astana
-
Almaty
-
Mańǵystaý oblysy
Sonymen qatar 32,5% týrist kýrorttyq aimaqtardy aralaǵan. Eń kóp baratyn oryndar – Almatynyń taý klasteri men Mańǵystaýdyń tabiǵi lokatsiialary.
Nemen kelgen?
Týristerdiń kóbi Qazaqstanǵa:
-
Temirjolmen – 33,3%
-
Áýe kóligimen – 26,6%
-
Halyqaralyq avtobýstarmen – 22,7% kelgen.
Qaida turady?
-
48,3% – týystarynyń/tanystarynyń úiinde tegin toqtaǵan
-
25,7% – qonaqúilerde
-
21,4% – jalǵa alynǵan páterler men úilerde turǵan
Ortasha qoný uzaqtyǵy: 4–5 kún.
Qansha aqsha jumsaidy?
Elgen kelgen týrister jalpy 4,6 mlrd teńge kiris ákelgen. Onyń ishinde:
-
2,3 mlrd – jol shyǵyny
-
554,5 mln – qonaqúi tólemi
-
439 mln – kafe jáne meiramhanada tamaqtaný
Zertteý týrister elden ketip bara jatqan kezde áýejai, temirjol vokzaly, avtobeket jáne shekara ótkizý beketterinde júrgizilgen. Qatysýshylar 71 elden kelgen, olardyń basym bóligi Resei, Ózbekstan jáne Qyrǵyzstan azamattary boldy.
