Foto: ashyq derekkóz
Túrkiiada "Ǵajaiyp ǵasyr" serialynda Sultan Súleimen rólinde oinaǵan túrik akteri Halit Ergenchke jalǵan kýálik berdi degen aiyp taǵylyp, 1 jyl 10 ai 15 kúnge bas bostandyǵynan aiyrý jazasy kesildi, dep habarlaidy Ult.kz.
Túrik BAQ-tarynyń dereginshe, Ergench 2013 jylǵy narazylyqtar isi boiynsha jalǵan kýálik berdi dep aiyptaldy. Prokýratýra Ergenchke jáne osy iske qatysy bar ekinshi akter — Ryza Kodjaoǵlýǵa 2 jyldan 4 jylǵa deiin bas bostandyǵynan aiyrý jazasyn surady. Sot aldymen Ergenchti 2 jyl 3 aiǵa, al Kodjaoǵlýdy 2 jylǵa sottaǵanymen, ekeýiniń de buryn sotty bolmaǵanyn eskere otyryp, jaza merzimin qysqartty.
Akterler 2013 jyly Stambuldaǵy Gezi parkin qorǵaýǵa shyqqan narazylyq aktsiialaryna qatysqan áriptesteri jáne belsendi Mehmet Ali Alaboramen bailanysy týraly qarama-qaishy kýálik bergeni úshin aiyptaldy. Sol jyly Alabora Gezi parkiniń ornyna qurylys salýǵa qarsy narazylyqtarǵa belsene qatysqan. Bul narazylyqtardy kóptegen túrik juldyzdary, onyń ishinde Halit Ergench te qoldaǵan. Narazylyqty kúshpen taratqannan keiin, kei belsendiler qýǵynǵa ushyrap, Alabora shetelge ketýge májbúr boldy.
Ergench pen Kodjaoǵlý sotta Alaboramen eshqandai bailanysy bolmaǵanyn aitqanymen, aiyptaý taraby olardyń arasynda Gezi oqiǵalary kezinde 12 qońyraý men SMS-habarlamalar almasqanyn, sondai-aq dál sol ýaqytta belsendi bailanysta bolǵanyn dálel retinde keltirdi.
