فوتو: اشىق دەرەككٶز
تٷركييادا "عاجايىپ عاسىر" سەريالىندا سۇلتان سٷلەيمەن رٶلٸندە ويناعان تٷرٸك اكتەرٸ حاليت ەرگەنچكە جالعان كۋەلٸك بەردٸ دەگەن ايىپ تاعىلىپ, 1 جىل 10 اي 15 كٷنگە باس بوستاندىعىنان ايىرۋ جازاسى كەسٸلدٸ, دەپ حابارلايدى Ult.kz.
تٷرٸك باق-تارىنىڭ دەرەگٸنشە, ەرگەنچ 2013 جىلعى نارازىلىقتار ٸسٸ بويىنشا جالعان كۋەلٸك بەردٸ دەپ ايىپتالدى. پروكۋراتۋرا ەرگەنچكە جەنە وسى ٸسكە قاتىسى بار ەكٸنشٸ اكتەر — رىزا كودجاوعلۋعا 2 جىلدان 4 جىلعا دەيٸن باس بوستاندىعىنان ايىرۋ جازاسىن سۇرادى. سوت الدىمەن ەرگەنچتٸ 2 جىل 3 ايعا, ال كودجاوعلۋدى 2 جىلعا سوتتاعانىمەن, ەكەۋٸنٸڭ دە بۇرىن سوتتى بولماعانىن ەسكەرە وتىرىپ, جازا مەرزٸمٸن قىسقارتتى.
اكتەرلەر 2013 جىلى ستامبۇلداعى گەزي پاركٸن قورعاۋعا شىققان نارازىلىق اكتسييالارىنا قاتىسقان ەرٸپتەستەرٸ جەنە بەلسەندٸ مەحمەت الي الابورامەن بايلانىسى تۋرالى قاراما-قايشى كۋەلٸك بەرگەنٸ ٷشٸن ايىپتالدى. سول جىلى الابورا گەزي پاركٸنٸڭ ورنىنا قۇرىلىس سالۋعا قارسى نارازىلىقتارعا بەلسەنە قاتىسقان. بۇل نارازىلىقتاردى كٶپتەگەن تٷرٸك جۇلدىزدارى, ونىڭ ٸشٸندە حاليت ەرگەنچ تە قولداعان. نارازىلىقتى كٷشپەن تاراتقاننان كەيٸن, كەي بەلسەندٸلەر قۋعىنعا ۇشىراپ, الابورا شەتەلگە كەتۋگە مەجبٷر بولدى.
ەرگەنچ پەن كودجاوعلۋ سوتتا الابورامەن ەشقانداي بايلانىسى بولماعانىن ايتقانىمەن, ايىپتاۋ تارابى ولاردىڭ اراسىندا گەزي وقيعالارى كەزٸندە 12 قوڭىراۋ مەن SMS-حابارلامالار الماسقانىن, سونداي-اق دەل سول ۋاقىتتا بەلسەندٸ بايلانىستا بولعانىن دەلەل رەتٸندە كەلتٸردٸ.
