Foto: ál-Farabi atyndaǵy QazUÝ-dyń Baspasóz qyzmeti
Ál-Farabi atyndaǵy QazUÝ-ǵa Túrik akademiiasynyń delegatsiia quramy arnaiy saparmen keldi. Sapar aiasynda qonaqtar ýniversitettiń infraqurylymy jáne bilim berý múmkindikterimen tanysty. Delegatsiia quramy QazUÝ-dyń innovatsiialyq hab, Farabi kitaphanasy jáne basqa da kampýstyń negizgi nysandaryn aralady.
QazUÝ haby startaptar, ǵylymi zertteýler men tehnologiialyq innovatsiialardyń negizgi ortalyǵy sanalady. Munda qonaqtar ýniversitettiń stýdentter arasynda kásipkerlik bastamasyn qalai qoldaityny jáne jańa tehnologiialar men ideialardy engizýge yqpal etetini jaily aqparat aldy. Hab ýniversitettiń innovatsiialyq ekojúiesiniń mańyzdy bóligi bola otyryp, stýdentter men zertteýshilerge naqty jobalarmen jumys isteýge jáne startaptaryn damytýǵa múmkindik beredi.
Odan keiin delegatsiia músheleri ýniversitet kitaphanasynda bolyp, onda qonaqtarǵa elektrondy jáne baspa materialdary men kitaptar, ártúrli resýrstar men biregei kollektsiialar usynyldy. Farabi kitaphanasy – Ortalyq Aziiadaǵy eń iri kitaphanalardyń biri, onyń qorynda 2 millionnan astam kitap bar.
Sapar barysynda akademiialyq yntymaqtastyq, tájiribe almasý jáne QazUÝ men Túrik akademiiasy arasyndaǵy birlesken jobalardyń keleshegi talqylandy. Issapar halyqaralyq yntymaqtastyqty nyǵaitý, ǵylymi ózara is-qimyl kókjiegin keńeitý jáne eki eldiń ǵylymi-bilim berý mekemeleri arasynda bilim almasý úshin platformalar qurý jolyndaǵy mańyzdy qadam bolmaq. Sapar sońynda QazUÝ-dyń Basqarma Tóraǵasy – Rektor J.Túimebaev Túrik akademiiasynyń delegatsiia quramymen arnaiy kezdesti.
Qaragóz Serikqyzy,
ál-Farabi atyndaǵy QazUÝ, Baspagerlik, redaktorlyq jáne dizainerlik óner
kafedrasynyń oqytýshysy
