«7-20-25» baǵdarlamasyna «Turǵynúiqurylysjinaqbanki» AQ qashan ári qandai shartpen qatysa alady? Bul týraly bank tóraiymy Lázzat Ibragimova baspasóz máslihaty barysynda aitty, dep habarlaidy QazAqparat tilshisi.
Biyl «Báiterek» holdinginiń enshiles uiymy «Turǵynúiqurylysjinaqbanki» AQ bergen baspana sany rekordty kórsetkishke jetken.
Búginde 36 790 salymshy qonys toiyn toilady. Bul ótken jylǵymen salystyrǵanda 1/3 kórsetkishke artyq. Byltyr 28 673 nesie berilgen bolatyn.
Banktiń ár tórtinshi nesiesi «Nurly jer» baǵdarlamasy boiynsha berilgen.
Biyl 8165 kilt tapsyryldy. Memlekettik baǵdarlama boiynsha jalpy ashylǵaly beri 12 700 adam jeńildikpen úi aldy.
«7-20-25» baǵdarlamasyna qatysý úshin salymshy úi qunynyń 20%-yn jinaýy kerek. «Turǵyn úi qurylys jinaq banki» jinaqtaý júiesi osyǵan úiretedi. Qazir biz «Baspana», Ulttyq bankpen kelissóz júrgizip jatyrmyz.
Bizdiń bankke zań sheńberinde qosymsha fýnktsiia berildi. Turǵyn úi jinaq salymy týraly zańnamaǵa sáikes bizge nesie alatyn adamdardyń quqyǵyn senimdi basqarýǵa berildi. Sonymen qatar, bul baǵytta Ulttyq banktiń litsenziiasyn aldyq. Teoriialyq turǵydan alǵanda biz 7-20-25 baǵdarlamasyna qatysa alamyz. Bul syrttaǵy uiymnyń portfelin satý múmkindiginen boldy. Keler jyldan bastap kelissózderdi belsendi júrgize bastaimyz. Biyl atalǵan baǵdarlamaǵa tolyq mán berýge jumys júktemesi múmkindik bermedi. Qoǵamda shý týǵyzbas úshin bastalǵan «Óz úiim», «Úlesker qarjylandyrý», «Áskeri qyzmetshiler» jobalaryn qolǵa aldyq»,- dedi banktiń basqarma tóraiymy Lázzat Ibragimova.
Atalǵan bankte ortasha nesie quny - 10 mln teńge.
«Adam 45 mln teńgesin birden ákelse de osyndai somamen úi beremiz. Bul aralyq zaim dep atalady. Salymshy depozitke aqsha salyp, birden qaryz alady. Bul tez beriletin zaim. Ondai salymshy depozit ústinen de nesie ústinen de tóleidi. Sebebi, bul basqa salymshylarǵa qaraǵanda ádiletti. Óitkeni, ol adam keshe ǵana kelgen, aqshasyn 3 jyl boiy jinaǵan joq. Osy jerde jinaq kassasynyń mańyzdylyǵy ańǵarylady. Jeńildikpen nesie alý úshin bul aqsha ainalymda biraz júrýi kerek», - dedi L.Ibragimova.
Onyń aitýynsha, búginde banktegi eń úlken depozit - 48 mln teńge astanalyq salymshynyń shotynda jatyr.
Bank biyl 25 mlrd teńge kóleminde taza tabys tappaq.
«Búginde bank aktivteri 850 mlrd teńgege jetti. 2008 jylǵy «Qoljetimdi baspana» degen baǵdarlama arqyly alynǵan qaryzdardy jaýyp, QR Qarjy ministrligine tabystadyq. «Nurly jer» baǵdarlamasy aiasynda jańa nesie ala bastadyq. Biz Úkimet, Báiterek holdingi qoiǵan mindetterdi oryndadyq», - dedi bank tóraiymy.
