«7-20-25» باعدارلاماسىنا «تۇرعىنٷيقۇرىلىسجيناقبانكٸ» اق قاشان ەرٸ قانداي شارتپەن قاتىسا الادى? بۇل تۋرالى بانك تٶرايىمى لەززات يبراگيموۆا باسپاسٶز مەسليحاتى بارىسىندا ايتتى, دەپ حابارلايدى قازاقپارات تٸلشٸسٸ.
بيىل «بەيتەرەك» حولدينگٸنٸڭ ەنشٸلەس ۇيىمى «تۇرعىنٷيقۇرىلىسجيناقبانكٸ» اق بەرگەن باسپانا سانى رەكوردتى كٶرسەتكٸشكە جەتكەن.
بٷگٸندە 36 790 سالىمشى قونىس تويىن تويلادى. بۇل ٶتكەن جىلعىمەن سالىستىرعاندا 1/3 كٶرسەتكٸشكە ارتىق. بىلتىر 28 673 نەسيە بەرٸلگەن بولاتىن.
بانكتٸڭ ەر تٶرتٸنشٸ نەسيەسٸ «نۇرلى جەر» باعدارلاماسى بويىنشا بەرٸلگەن.
بيىل 8165 كٸلت تاپسىرىلدى. مەملەكەتتٸك باعدارلاما بويىنشا جالپى اشىلعالى بەرٸ 12 700 ادام جەڭٸلدٸكپەن ٷي الدى.
«7-20-25» باعدارلاماسىنا قاتىسۋ ٷشٸن سالىمشى ٷي قۇنىنىڭ 20%-ىن جيناۋى كەرەك. «تۇرعىن ٷي قۇرىلىس جيناق بانكٸ» جيناقتاۋ جٷيەسٸ وسىعان ٷيرەتەدٸ. قازٸر بٸز «باسپانا», ۇلتتىق بانكپەن كەلٸسسٶز جٷرگٸزٸپ جاتىرمىز.
بٸزدٸڭ بانككە زاڭ شەڭبەرٸندە قوسىمشا فۋنكتسييا بەرٸلدٸ. تۇرعىن ٷي جيناق سالىمى تۋرالى زاڭناماعا سەيكەس بٸزگە نەسيە الاتىن ادامداردىڭ قۇقىعىن سەنٸمدٸ باسقارۋعا بەرٸلدٸ. سونىمەن قاتار, بۇل باعىتتا ۇلتتىق بانكتٸڭ ليتسەنزيياسىن الدىق. تەورييالىق تۇرعىدان العاندا بٸز 7-20-25 باعدارلاماسىنا قاتىسا الامىز. بۇل سىرتتاعى ۇيىمنىڭ پورتفەلٸن ساتۋ مٷمكٸندٸگٸنەن بولدى. كەلەر جىلدان باستاپ كەلٸسسٶزدەردٸ بەلسەندٸ جٷرگٸزە باستايمىز. بيىل اتالعان باعدارلاماعا تولىق مەن بەرۋگە جۇمىس جٷكتەمەسٸ مٷمكٸندٸك بەرمەدٸ. قوعامدا شۋ تۋعىزباس ٷشٸن باستالعان «ٶز ٷيٸم», «ٷلەسكەر قارجىلاندىرۋ», «ەسكەري قىزمەتشٸلەر» جوبالارىن قولعا الدىق»,- دەدٸ بانكتٸڭ باسقارما تٶرايىمى لەززات يبراگيموۆا.
اتالعان بانكتە ورتاشا نەسيە قۇنى - 10 ملن تەڭگە.
«ادام 45 ملن تەڭگەسٸن بٸردەن ەكەلسە دە وسىنداي سومامەن ٷي بەرەمٸز. بۇل ارالىق زايم دەپ اتالادى. سالىمشى دەپوزيتكە اقشا سالىپ, بٸردەن قارىز الادى. بۇل تەز بەرٸلەتٸن زايم. ونداي سالىمشى دەپوزيت ٷستٸنەن دە نەسيە ٷستٸنەن دە تٶلەيدٸ. سەبەبٸ, بۇل باسقا سالىمشىلارعا قاراعاندا ەدٸلەتتٸ. ٶيتكەنٸ, ول ادام كەشە عانا كەلگەن, اقشاسىن 3 جىل بويى جيناعان جوق. وسى جەردە جيناق كاسساسىنىڭ ماڭىزدىلىعى اڭعارىلادى. جەڭٸلدٸكپەن نەسيە الۋ ٷشٸن بۇل اقشا اينالىمدا بٸراز جٷرۋٸ كەرەك», - دەدٸ ل.يبراگيموۆا.
ونىڭ ايتۋىنشا, بٷگٸندە بانكتەگٸ ەڭ ٷلكەن دەپوزيت - 48 ملن تەڭگە استانالىق سالىمشىنىڭ شوتىندا جاتىر.
بانك بيىل 25 ملرد تەڭگە كٶلەمٸندە تازا تابىس تاپپاق.
«بٷگٸندە بانك اكتيۆتەرٸ 850 ملرد تەڭگەگە جەتتٸ. 2008 جىلعى «قولجەتٸمدٸ باسپانا» دەگەن باعدارلاما ارقىلى الىنعان قارىزداردى جاۋىپ, قر قارجى مينيسترلٸگٸنە تابىستادىق. «نۇرلى جەر» باعدارلاماسى اياسىندا جاڭا نەسيە الا باستادىق. بٸز ٷكٸمەت, بەيتەرەك حولدينگٸ قويعان مٸندەتتەردٸ ورىندادىق», - دەدٸ بانك تٶرايىمى.
