2020 jyldyń I-toqsanynda tabysy eń tómengi kúnkóris deńgeiinen tómen halyqtyń úlesi 4 paiyzdy qurady. Mundai derekti QR Ulttyq ekonomika ministrliginiń Statistika komiteti jariialady, dep habarlaidy "Ult aqparat".
Vedomstvo málimetinshe, úi sharýashylyqtaryn iriktemeli zertteý boiynsha tabysy eń tómengi kúnkóris deńgeiinen tómen halyqtyń úlesi (kedeilik deńgeii) 2020 jylǵy I-toqsanda 4 paiyzdy qurady. Bul ótken jylǵy tiisti kezeńmen salystyrǵanda 0,1 paiyzdyq tarmaqqa tómen.
2020 jylǵy I toqsanda kedeilik deńgeiiniń eń úlken máni Túrkistan (9,8%), Mańǵystaý (5,8%) jáne Jambyl (5,2%) oblystarynda baiqaldy. Al eń tómeni – Nur-Sultan qalasynda (1,1%) tirkeldi.
«Detsildik bólýdegi úi sharýashylyqtarynyń shyǵystary tabystar siiaqty aitarlyqtai saralanýdy kórsetedi. Sonymen, 2020 jylǵy I-toqsanda azyq-túlik taýarlaryna jumsaǵan shyǵystar deńgeiindegi 10 paiyz eń az jáne 10 paiyz eń kóp qamtamasyz etilgen halyqtyń arasyndaǵy aiyrmashylyq 5 eseni, azyq-túlik emes taýarlarǵa – 8 eseni, al aqyly kórsetiletin qyzmetterge – 5,6 eseni qurady « , - dedi komitetten.
