Túrkistan oblysynyń turǵyndary qyzyl kitapqa engen alyp kesirtkeni videoǵa túsirip aldy, dep habarlaidy QazAqparat.
«Sur kesel» atty Qazaqstandaǵy eń iri kesirtke aýyl ishine kirip ketken. Ony videoǵa túsirýshiler aýyl mańynda munan da úlkeni bar ekenin aitady.
«Bul kishkentaiy ǵoi. Ar jaqty munan da úlkenderi bar» - deidi kamera ustap turǵan jigit.
Al, Túrkistan oblysy Syrdariia – Túrkistan MÓTP kishi ǵylymi qyzmetkeri Ǵani Nazarbek bul kesirtkeniń Shardara men Otyrar aýdanynda kóp kezdesetindigin jetkizdi.
«Túrkistan oblysyndaǵy Syrdariia ózeniniń sol jaǵalaýynda mekendeidi. Negizinen qumdy shól nemese sazdy shólmen shekaralas jerdi qonystaidy. «Sur kesel» jylan, saryshunaq sekildi jándiktermen qorektenedi. Sýda da jaqsy júzedi. Qurlyqta jaqsy júgiredi. Bir ókinishtisi, kei eldi mekenderde taspen atqylap óltirip tastaǵan, kólikpen basyp ketken jaǵdailar kóp. Biz bul qyzyl kitapqa engen kesirtkeni týristik maqsatta da paidalansaq bolady. Sebebi, arnaiy zertteý úshin keletin sheteldik ǵalymdar kóp. Olardyń bul kesirtkege qyzyǵýshylyǵy joǵary. Al, munan úlkenderi tek Tailand jaqta ǵana kezdesedi» - deidi ol.
