تٷركٸستان وبلىسىنىڭ تۇرعىندارى قىزىل كٸتاپقا ەنگەن الىپ كەسٸرتكەنٸ ۆيدەوعا تٷسٸرٸپ الدى, دەپ حابارلايدى قازاقپارات.
«سۇر كەسەل» اتتى قازاقستانداعى ەڭ ٸرٸ كەسٸرتكە اۋىل ٸشٸنە كٸرٸپ كەتكەن. ونى ۆيدەوعا تٷسٸرۋشٸلەر اۋىل ماڭىندا مۇنان دا ٷلكەنٸ بار ەكەنٸن ايتادى.
«بۇل كٸشكەنتايى عوي. ار جاقتى مۇنان دا ٷلكەندەرٸ بار» - دەيدٸ كامەرا ۇستاپ تۇرعان جٸگٸت.
ال, تٷركٸستان وبلىسى سىردارييا – تٷركٸستان مٶتپ كٸشٸ عىلىمي قىزمەتكەرٸ عاني نازاربەك بۇل كەسٸرتكەنٸڭ شاردارا مەن وتىرار اۋدانىندا كٶپ كەزدەسەتٸندٸگٸن جەتكٸزدٸ.
«تٷركٸستان وبلىسىنداعى سىردارييا ٶزەنٸنٸڭ سول جاعالاۋىندا مەكەندەيدٸ. نەگٸزٸنەن قۇمدى شٶل نەمەسە سازدى شٶلمەن شەكارالاس جەردٸ قونىستايدى. «سۇر كەسەل» جىلان, سارىشۇناق سەكٸلدٸ جەندٸكتەرمەن قورەكتەنەدٸ. سۋدا دا جاقسى جٷزەدٸ. قۇرلىقتا جاقسى جٷگٸرەدٸ. بٸر ٶكٸنٸشتٸسٸ, كەي ەلدٸ مەكەندەردە تاسپەن اتقىلاپ ٶلتٸرٸپ تاستاعان, كٶلٸكپەن باسىپ كەتكەن جاعدايلار كٶپ. بٸز بۇل قىزىل كٸتاپقا ەنگەن كەسٸرتكەنٸ تۋريستٸك ماقساتتا دا پايدالانساق بولادى. سەبەبٸ, ارنايى زەرتتەۋ ٷشٸن كەلەتٸن شەتەلدٸك عالىمدار كٶپ. ولاردىڭ بۇل كەسٸرتكەگە قىزىعۋشىلىعى جوعارى. ال, مۇنان ٷلكەندەرٸ تەك تايلاند جاقتا عانا كەزدەسەدٸ» - دەيدٸ ول.
